Araqçı Hindistana səfər etdi

İranın xarici işlər naziri Abbas Araqçı Hindistana rəsmi səfərə gedib. 

Gununsesi.info xəbər verir ki, bu barədə IRNA agentliyi məlumat yayıb.

Səfər çərçivəsində Araqçı Hindistanın yüksək səviyyəli rəsmiləri ilə görüşlər keçirəcək. Tərəflər iki ölkə arasında aktual mövzular, regional və beynəlxalq gündəliklə bağlı fikir mübadiləsi aparacaqlar.

Bundan əlavə, İran–Hindistan İqtisadi Komissiyasının iclası keçiriləcək. Görüşə Abbas Araqçı və Hindistanın xarici işlər naziri Subramanyam Cayşankar sədrlik edəcəklər. Tərəflər daha əvvəl imzalanan iqtisadi razılaşmaların icrasını və onların gələcək inkişaf yollarını müzakirə edəcəklər.

Gununsesi.info