ဗာတီကန်မှာရှိတဲ့ ဘုရားကျောင်းကြီးရဲ့ ခေါင်းတိုင်ကနေ မီးခိုးအဖြူရောင် လွှင့်ထုတ်ခဲ့တာကို တွေ့မြင်ရတဲ့နောက် ပုပ်ရဟန်းမင်း အသစ်ကို ရွေးချယ် တင်မြှောက်ပြီး ဖြစ်တယ်ဆိုတာ သိသာစေခဲ့ပါတယ်။
ကွယ်လွန်သွားတဲ့ ပုပ်ရဟန်းမင်းကြီး ဖရန်ဆစ်ရဲ့ နေရာကို ဆက်ခံမယ့် ရိုမန်ကက်သလစ် ခရစ်ယာန် ဘာသာရေး အထွဋ်အခေါင် ပုဂ္ဂိုလ် ရာထူးမှာ ဘယ်သူ့ကို ရွေးချယ်မလဲ ဆိုတာကို ဗာတီကန် နန်းတော်မှာ လျှို့ဝှက် ဆွေးနွေးမှုတွေ လုပ်ဆောင်ခဲ့ပြီး ဒုတိယမြောက်နေ့မှာ အဆုံးအဖြတ် ပြီးမြောက်ခဲ့တာ ဖြစ်ပါတယ်။
Sistine ဝတ်ကျောင်းတော်ကြီးရဲ့ ခေါင်းတိုင်ကနေ အဖြူရောင် မီးခိုးတွေ ထွက်လာတာဟာ ပုပ်ရဟန်းမင်းကြီး အသစ်ကို ရွေးချယ်ပြီးပြီလို့ ကမ္ဘာသိ ကြေညာလိုက်တဲ့ သင်္ကေတဖြစ်ပြီး ဘယ်သူ ဘယ်ဝါလဲ ဆိုတာကိုတော့ ကာဒီနယ် ရဟန်းအမတ် ဒေါမနစ် မမ်ဘာတီက ထုတ်ပြန်သွားမှာ ဖြစ်ပါတယ်။
Public Service Announcement
ပုပ်ရဟန်းမင်း အသစ် ရွေးချယ်တင်မြှောက်ဖို့ ကာဒီနယ် ရဟန်းအမတ် ၁၃၃ ပါးဟာ မေလ ၇ ရက်မှာ ဗာတီကန်မှာ စတင် စုဝေး တိုင်ပင်ခဲ့ကြပြီး မေလ ၈ ရက်နေ့မှာတော့ ပုပ်ရဟန်းမင်း အသစ်ကို ဆုံးဖြတ် ရွေးချယ်နိုင်ခဲ့တာပါ။
ပုပ်ရဟန်းမင်း အသစ် ဖြစ်လာမယ့် ပုဂ္ဂိုလ်ဟာ မကြာခင်မှာ စိန့်ပီတာ ဝတ်ကျောင်းကနေ ကမ္ဘာသိ မိတ်ဆက်ဖွယ် ရှိပါတယ်။
ကိုးကား – Vatican News
