ဇန်နဝါရီ – ၃၀ ၊၂၀၂၆ ၊ဆိုင်းမင်း/People’s Spring
မန္တလေးမြို့၊အမရပူရမြို့နယ်၊ ဧရာဝတီမြစ်ဘေးရှိ ရှမ်းလေးကျွန်းရွာအနီးမှာ ဒဏ်ရာတွေနဲ့ သေဆုံးနေတဲ့ အမျိုးသားအလောင်းတစ်လောင်းကို မနေ့ (ဇန်နဝါရီလ ၂၉ ရက်)မနက်ပိုင်းက တွေ့ခဲ့ရတယ်လို့ ကူညီကယ်ဆယ်ရေးအဖွဲ့ထံကနေသိရပါတယ်။
ကမ်းနားလမ်းဘေးမှာ ဒဏ်ရာတွေနဲ့ လဲကျသေဆုံးနေတဲ့ အမျိုးသားရုပ်အလောင်းကို တွေ့ရတာဖြစ်ပြီး မန္တလေးဆေးရုံကြီး ရင်ခွဲရုံဆီ ပို့ဆောင်ထားပါတယ်။
သေဆုံးသူဟာ အသက် ၂၅နှစ်အရွယ်ရှိပြီး ဦးခေါင်းနဲ့ ကျောပြင်ပိုင်းမှာ ဒဏ်ရာတွေ တွေ့ရတယ်လို့သိရပါတယ်။
Public Service Announcement
ရုပ်အလောင်းတွေ့ရှိတဲ့နေရာဟာ ရှမ်းလေးကျွန်းမြို့ပြစီမံကိန်းဧရိယာ ၊ မန္တလေး-စစ်ကိုင်းလမ်းဘေးဖြစ်ပါတယ်။
အခုအချိန်ထိ သေဆုံးသူရဲ့ မိသားစုဝင်တွေက ဆက်သွယ်လာတာ မရှိသေးဘူးလို့ ကူညီကယ်ဆယ်ရေးအဖွဲ့ထံကအသိပေးပါတယ်။
ဓာတ်ပုံ – ချမ်းမြေ့သုခအသင်း
