“ကျားဖြန့်ရွေးကောက်ပွဲနဲ့ ပူးပေါင်းသူတို့၏နိဂုံး”

နွေဦးနွေ​ရေးသားသည်။

အာဏာသိမ်း​ခေါင်း​ဆောင်မင်း​အောင်လှိုင်ရဲ့အပိုင်းပိုင်းအပြတ်ပြတ်ကြံစည်ထားတဲ့ကြားဖြန့်ရွေးကောက်ပွဲဟာတော့ အဆုံးသတ်ခဲ့ပြီဖြစ်ပါတယ်။

ကိုယ့်အရပ်ကိုယ့်ဇတ်၊ ကိုယ့်ဖဲကိုယ်ချိုးထားတဲ့ ရွေးကောက်ပွဲကိုတောင်စိတ်မချနိုင်ပဲ မဲရုံ တွေထဲအထိလိုက်ပြီး ဥာဏ်စမ်းပဟေဌိ အဖြေညှိသလို လုပ်နေတဲ့ မအလ အဖြစ်ကလည်း တော်တော်ရီစရာကောင်းလို့နေပါတယ်။

ဒီလိုမျိုးရွေးကောက်ပွဲကို နိုင်ငံရေးနည်းလမ်းအရ ဖြေရှင်းခြင်းဆိုတဲ့ ခေါင်းစဉ်တပ်ပြီး အူလှိုက်သဲလှိုက်ပူးပေါင်းပါဝင်ခဲ့ကြတဲ့၊ တချိန်တခါက ရဲရဲ

Public Service Announcement

တောက် ဒီမိုကရေစီဘက်တော်သားဟောင်း​တွေရဲ့ မရှုမလှကျဆုံးခန်းများကိုလည်းမြင်တွေ့နေရပါတယ်။

သူတို့ရဲ့ မထွေးနိုင် မအန်နိုင်ဖြစ်နေကြပုံတွေ၊မပွင့်တပွင့်ပေါက်ကွဲသံတွေကိုလည်း ကြားနေမြင် နေရပါတယ်။ ပေါက်ကွဲသံနဲနဲပြင်းသွာတဲ့ အပြာရောင် အန်တီကြီးကတော့စစ်ကြောရေးမှာ အတွေ့အကြုံသစ်လေးတွေရပြီး ငြိမ်ကုတ်စွာနဲ့ မအလရဲ့ သဘောထားမှန်ကိုစမြုံ့ပြန်၊အရသာခံနေလောက်ပါပြီ။

ဒီနေရာမှာသတိထားမိတာက သူတို့တွေရဲ့ အရှုံးကို ‘ပြည်သူတွေမဲထွက်မပေးလို့’ ၊ ‘No vote သမားတွေ စည်းရုံးလှုပ်ရှားကြလို့ဆိုပြီး‘ မိုးကြိုးပစ်ထန်းလက်ကာ ဆင်ခြေတွေထုတ်သုံးပြီး လူထုကိုမဝံ့

မရဲအပြစ်တင်ချင်တဲ့ပြောဆိုမှု့တွေကိုသာတွေ့ရပါတယ်။တကယ်ဆို ‘မဲမပေးချင်တဲ့ ပြည်သူတွေကို မဲထွက်ပေးလာအောင် ကျနော်တို့ မစည်းရုန်း နိုင်ခဲ့ဘူးဗျာ’ လို့ ဝန်ခံပြောဆိုမှု့မျိုးကိုမတွေ့ရပါဘူး။

တိုင်းရင်းသားခေါင်းဆောင်​ဟောင်းတယောက်ဆိုရင်” ပြည်သူတွေ သူတို့နဲ့တန်တဲ့အစိုးရပဲရတာပေါ့ဗျာ” လို့ ပြောတာကိုတောင် တွေ့လိုက်ရပါတယ်။

တကယ်တော့ မဲထွက်မပေးတဲ့ပြည်သူတွေဟာအဲ့ဒီနိုင်ငံရေးသမားဟောင်းတွေထက် နိုင်ငံရေးအဆင့်အတန်းမြင့်တယ်လို့ ပြောရမှာပါ။ ဓါးပြတိုက် အနုကြမ်းစီးထားတဲ့ ကျားဖြန့်ရွေးကောက်ပွဲကိုမပူးပေါင်းခြင်းကသာအထိရောက်ဆုံးတုန့်ပြန်တိုက်ခိုက်မှု့ပါပဲ။ ပြည်သူတွေက သူတို့တတ်နိုင်တဲ့အလုပ်ကိုသူတို့လုပ်တာပါ။ဂုဏ်ယူစရာပါ။

မအလ ဟာသူ့ရဲ့ကျားဖြန့်ရွေးကောက်ပွဲမှာကြည့်ကောင်းရှု့ကောင်းဖြစ်အောင် ရွေးကောက်ပွဲ လေလည်ပေးလိုက်ရင်ငန်းငန်းတက်ရှုပြီး ဒရောသောပါးပြေးလာမဲ့ နိုင်ငံရေးအချိုအချောင် ပုဂ္ဂိုလ်တွကို ကောင်းကောင်းအသုံးချနိုင်ခဲ့ပါတယ်။သူတို့ကို ပြိုင်ခွင့်ပဲပေးပြီး ၊ နိုင်ခွင့် လုံးဝ မပေးဘူးဆိုတာကို စောရ ကြိုတင်မဲ များကသက်သေခံနေပါတယ်။

ပြိုင်ရတာလေးကိုပဲအမေ ကျေနပ်တယ်ဆိုရင်တော့ မတတ်နိုင်ဘူးပေါ့၊ တချိန်တခါက ဒီမိုပါတီကြီးတခုဆိုရင် ပြိုင်ခွင့်တောင်မရခဲ့ပါဘူး။သူခိုးဟာ သူခိုးအကျင့် ပျောက်မှာမဟုတ်ပါဘူး၊ဒါကိုသိသိကြီးနဲ့ သွားပူးပေါင်းကြတဲ့ တချိန်က ဒီမိုဟောင်းများရဲ့အဖြစ်ကတော့ မိအေး လေး၊ငါးခါနာရသလို၊ ကိုယ့်ဆီပုလင်း ကိုယ်ခါးကြားထိုးသွားကြရတဲ့သမိုင်းအဖြစ်မှတ်တမ်းဝင်ခဲ့ပြီဖြစ်ပါတယ်။

ရွေးကောက်ပွဲသာလျှင် အကြမ်းမဖက်နိုင်ငံရေးတိုက်ပွဲ၊နိုင်ငံရေးဘောင်ကျယ်မှ စစ်ဘောင်ကျဉ်းမယ်တို့ဆိုတာတွေက စာအုပ်ထဲကအမှန်တရားတွေဖြစ်ပါတယ်။တကယ်က တိုင်းပြည်မှာလက်ရှိဖြစ်နေတဲ့ အဖြစ်အပျက်တွေနဲ့စပ်အပ်သုံးသပ်ဖို့လိုပါတယ်။

ရွေးကောက်ပွဲဟာဘယ်လိုရွေးကောက်ပွဲလဲ။ဘယ်လိုအခင်းအကျဉ်းနဲ့ကျင်းပတဲ့ရွေးကောက်ပွဲလဲ။ဘယ်သူတွေဦးစီးကျဉ်းပတဲ့ ရွေးကောက်ပွဲလဲဆိုတာကို အခုမဲထွက်ပေးတဲ့ ရာခိုင်နှုန်း နဲ့ အရင်ကာလကမဲထွက်ပေးတဲ့ရာခိုင်နှုန်းတွေကသက်သေပြခဲ့ပြီးဖြစ်ပါတယ်။ဒါတောင်အခုရွေးကောက်ပွဲ

မှာအာဏာပိုင်အဆင့်ဆင့်ကအကြပ်ကိုင်၊ ခြိမ်းခြောက်လို့ မဲထွက်ပေးရတဲ့ ရာခိုင်နှုန်းက တဝက်လောက်ရှိကောင်းရှိနိုင်ပါတယ်၊ နိုင်ငံတကာကကြိုတင်မဲပေးကြပုံတွေကိုကြည့်ရင်လည်းအသိအသာပင်ဖြစ်ပါတယ်။

စစ်ဘောင်ကျဉ်းအောင်၊ နိုင်ငံရေးဘောင်ကျယ်အောင်၊နိုင်ငံရေးအားကောင်းလာအောင်ရွေးကောက်ပွဲကိုသွားရတယ်ဆိုတာကယေဘူယျအယူအဆသာဖြစ်ပြီး အခုကျင်းပတဲ့ မအလကျားဖြန့်ရွေးကောက်ပွဲနဲ့ လားလားမှ မအပ်စပ်ပါ။အခုရွေးကောက်ပွဲမှာ ပါဝင်ပူးပေါင်းခြင်းကသာ စစ်တပ်ကိုအာဏာပိုမိုအပ်နှင်းသလိုဖြစ်ပြီးစစ်ဘောင်ကို ပိုမိုချဲ့ထွင်ပေးတာပါ။

အခုပြုလုပ်တဲ့ရွေးကောက်ပွဲဟာ ၂၀၀၈ ဖွဲ့စည်းပုံအောက်မှာပြုလုပ်ခြင်းဖြစ်ပါတယ်။၂၀၀၈ ဖွဲ့စည်းပုံမှာ စစ်တပ်က အာဏာကို ဘယ်လောက်ထိချဲ့ထွင်ထားသလဲဆိုတာကို နိုင်ငံရေးအနည်းအကျဉ်းနားလည်သူပင်သိပါတယ်။အခုရွေးကောက်ပွဲမှာ စစ်တပ်အရာရှိကြီးများစွာကို ယူနီဖေါင်းချွတ်ပြီး ကြံ့ဖွတ်က ဝင်အရွေးခံခိုင်းခဲ့တာတွေကိုကြည့်ခြင်းအားဖြင့် စစ်တပ်ဟာ နိုင်ငံတော် အာဏာကို ဘယ်လောက်ထိကြိုတင်ကြံစည်ထားလဲဆိုတာပေါ်လွင်ပါတယ်။ဒီအချက်အလက်များကို ကြည့်ခြင်းအားဖြင့်စစ်တပ်ဟာ နိုင်ငံတော်အာဏာကဆုတ်ခွါဖို့ထက် ပိုမိုကျယ်ပြန့်ခိုင်မာအောင်လုပ်နေတယ်။

တနည်းအားဖြင့်စစ်ဘောင်ကိုချဲ့ထွင် နေခြင်းသာဖြစ်ပါတယ်။ဒါ့ကြောင့် ၂၀၂၅ရွေးကောက်ပွဲဟာရှိပြီးသားစစ်တပ်အာဏာကလည်းနဂိုအတိုင်းဆက်ရှိနေမှာဖြစ်ပြီး၊ အရပ်သားနိုင်ငံရေးအာဏာဟာလည်း စစ်ယူနီဖေါင်းကနေ တိုက်ပုံပြောင်းဝတ်ထားတဲ့စစ်နိုင်ငံရေးအာဏာသာဖြစ်လာမှာမြေကြီးလက်ခတ်မလွဲပါ။

ဒါကိုသိလျှက်နဲ့မအလရဲကျားဖြန့်လမ်းကိုလျှောက်ခဲ့ကြတယ်ဆိုရင်တော့ ၊ဒါဟာ ကိုယ့်ကိုထောက်ခံအားပေးကြတဲ့ ရိုးသားတဲ့ ပြည်သူတွေကိုနိုင်ငံရေးအဆိပ်ခတ်ခြင်းသာဖြစ်ပါတယ်။

ဒီနေရာမှာ တချို့သော နိုင်ငံရေးသမား​တွေက ရွေးကောက်ပွဲမဝင်ရင် အခြားဘာနည်းလမ်း ရွေးချယ်စရာရှိလဲလို့မေးခဲ့ကြပါတယ်။အဲ့ဒီ မေးခွန်းကို အခုရွေးကောက်ပွဲရှုံးသွားကြတဲ့ နိုင်ငံရေးသမားများကပဲ သူတို့ဘာတွေဆက်လုပ်မယ်ဆိုတာကို ပြောထားကြပါတယ်။အဲ့ဒါကိုက မေးခွန်းရဲ့အဖြေဖြစ်ပါတယ်။

နောက်ဆုံးစကားချပ်အနေနဲ့ သတ္တိ၊ဗျတ္တိတွေနဲ့ပြည့်စုံလွန်းခဲ့တဲ့စစ်ဗိုလ်ချုပ်ဟောင်းနွမ်းဆွေးမြေ့များရဲ့ကြံ့ဖွတ်ပါတီအကြောင်းနဲနဲပြောချင်ပါတယ်။ အခုရွေးကောက်ပွဲကို ဘောလုံးပွဲတခုနဲ့နှိုင်းးမယ်ဆိုရင်တဖက်ကပြိုင်ဘက် ၁၁ ယောက်မပါပဲ ဂိုးတိုင်အလွတ်ကြီးပဲရှိတာကို ကိုယ့်ဘက်က ၁၁ ​ယောက်က စိတ်ကြိုက်ဂိုးသွင်းခွင့်ရတာကိုပဲတကယ့်နိုင်ပွဲကြီးလိုအောင်ပွဲခံနေကြတယ်။ဒီကြားထဲ ဒိုင်လူကြီးအားလုံးကလည်း ကိုယ့်ဒိုင်တွေ၊ပရိတ်သတ်တွေကလည်း နေ့စားခေါ်ထားတဲ့သူဖြစ်နေတယ်ဆိုတာကိုမမေ့ဖို့လိုပါတယ်။

ဘယ်နေရာမှာတော့၊ ဘယ်လိုအပြတ်အသတ်နိုင်သွားပြီ၊ ဘယ် နေရာမှာတော့ ဘယ်လောက်မဲပြတ်တယ် ၊ စသဖြင့် မော်ကြွားအောင်ပွဲခံပြောဆိုနေကြခြင်းရဲ့အခြားတဖက်မှာ နောက်ထပ်အဓိပ္ပါယ်တခုထပ်တူပြုနေတယ်ဆိုတာကို သတိလေးနဲနဲချပ်ဖို့လိုပါတယ်။ ရွေးကောက်ပွဲအနိုင်နဲ့ပတ်သက်ပြီးတကြိမ်တခါမော်ကြွားလိုက်တိုင်း “ ကျနော်တို့ ဒေါ်အောင်ဆန်းစုကြည်နဲ့ NLD ကို မယှဉ်နိုင်ပါဘူး၊ကြောက်ပါတယ်ဗျာလို့ “ ဝန်ခံပြောဆိုနေခြင်း ဖြစ်တယ်ဆိုတာကို မမေ့ဖို့ကြံ့ဖွတ်စစ်သားကြီးများအား သတိလေးပေးလိုက်ပါရစေ။ ။