ICJ သွားသူ​ထောက်ခံပွဲ တစ်​ယောက်ကျပ်တစ်​သောင်း​ပေးမယ်ဆိုပြီး​ခေါ်လာသူ​တွေပါ​နေ

ဇန်နဝါရီ-၂၈၊၂၀၂၆။တာရာ/People’s Spring

အပြည်ပြည်ဆိုင်ရာတရားရုံး(ICJ)မှာ စစ်​ကောင်စီစေလွှတ်ထားတဲ့ကိုယ်စားလှယ်အဖွဲ့​ထောက်ခံပွဲကို စစ်တပ်​ထောက်ခံသူ နဲ့ အမျိုးသား​ရေးသမား​ဆိုသူတွေက ရန်ကုန်မြို့မှာ ​ထောက်ခံပွဲလုပ်တဲ့အခါ တက်​ရောက်သူ တစ်​ယောက်ကို တစ်​သောင်းကျပ်​ပေးမယ်ဆိုပြီး ​ခေါ်လာသူ​တွေပါဝင်တယ်လို့ စုံစမ်းသိရပါတယ်။

စစ်​ကောင်စီဝန်ကြီး​တွေဖြစ်တဲ့ ဦးကိုကိုလှိုင် ၊​ဒေါက်တာ​သီတာဦး တို့ ဦး​ဆောင်တဲ့ICJကိုသွား​ရောက်အမှုရင်ဆိုင်​နေတဲ့ကိုယ်စားလှယ်အဖွဲ့​ထောက်ခံပွဲကို ရန်ကုန်မြို့ ၊မြို့တော်ခန်းမရှေ့မှာ ဇန်နဝါရီ ၂၇ ရက်၊မွန်းလွဲ ၂ နာရီမှာပြုလုပ်ခဲ့တာပါ။ အမျိုးသား​ရေးသမားလိုဆိုတဲ့ လူသိများတဲ့ပုဂ္ဂိုလ်အချို့အပါအဝင်တတ်ရောက်သူရာနဲ့ချီပြီးရှိခဲ့တာဖြစ်ပါတယ်။

ပွဲတတ်လာတဲ့ ထောက်ခံသူအချို့ကို People’s Spring က​မေးတဲ့အခါတစ်ယောက်ကျပ်တစ်သောင်းနဲ့ လှိုင်သာယာဘက်ကနေ ခေါ်ယူခဲ့တာဖြစ်တယ်​ပြောကြပါတယ်။

Public Service Announcement

“ ကျွန်တော်တို့ကို တစ်ယောက်တစ်သောင်းပေးမယ်ဆိုပြီး ခေါ်လာတာ။ အဲဒါနဲ့လိုက်လာတာ။ ပွဲကပြီးသွားတာတောင် ခုထိပိုက်ဆံမရသေးဘူး” လို့လှိုင်သာယာမှာ နေထိုင်သူတစ်ဦးကပြောပါတယ်။

တစ်​ယောက်တစ်​သောင်း​ပေးမယ်ဆိုပြီး​ခေါ်လာသူအ​ရေအတွက် ဘယ်​လောက်များလဲဆိုတာကို​တော့ People’s Spring ကသီးခြားအတည်မပြုနိုင်ပါဘူး ။ဒါ​ပေမယ့် တက်​ယောက်သူ ၄ ဦး​မေးတာမှာ ၄ ဦးစလုံးက တစ်​သောင်းစီရမယ်ဆိုလို့လိုက်လာတာလို့​ပြောတာဖြစ်ပြီး ၂ ဦးကပိုက်ဆံမရ​သေးပါဘူး ။

စစ်တပ်က​နောက်ကွယ်က​ထောက်ပံ့ထားတဲ့ အမျိုးသား​ရေးလှုပ်ရှားသူ​တွေ ၊မဘသ​တွေဟာ ​ရွေး​ကောက်ခံအရပ်သားအစိုးရ လက်ထက်မှာ အရပ်သားအစိုးရအ​ပေါ် ဆန့်ကျင်ကန့်ကွက်ပွဲ​တွေ မကြာခဏလုပ်ကြပါတယ် ။အဲဒီပွဲ​တွေတုန်းကလိုက်ပါလာသူ​တွေကို ​မေးမြန်းတဲ့အခါ တစ်ရက်ကို စားပြီး​သောက်ပြီး စားရိတ်ငြိမ်းကျပ်ငါး​ထောင်

ရ​လေ့ရှိတယ်လို့​​ပြောကြပါတယ် ။ ဒါ​ကြောင့်အခု ICJ သွားတဲ့သူ​တွေ​ထောက်ခံပွဲမှာ လိုက်လာသူ​တွေကို ​ပေးတဲ့နှုန်းက ၅၀၀၀ ကျပ်ပိုများလာတာဖြစ်ပါတယ် ။ဒါ​ပေမယ့် စစ်တပ်အာဏာသိမ်းပြီး​နောက်ပိုင်း ကျပ်​ငွေ​​ဖောင်းပွနှုန်းက အဆ​ပေါင်းများစွာရှိခဲ့တာဖြစ်ပါတယ် ။ ဒါ​ကြောင့် ကျပ်တစ်​သောင်းဆို​ပေမယ့် ၂၀၂၀ မတိုင်ခင်က ကျပ် ၅၀၀၀ ​လောက်အသုံးမခံ​တော့ပါဘူး ။

​ဒါအပြင်ပွဲတက်လာသူ​တွေထဲမှာ ကြံ့ဖွံ့ ၊တဆည၊PPP ၊ ကျားဖြူစတဲ့ပါတီ ဝတ်စုံဝတ်ထားသူအချို့ကိုလည်း​တွေ့ရတယ်လို့ ပွဲကိုသွားခဲ့သူအချို့က​ပြောပါတယ် ။

ICJ သွား​ရောက်​ဖြေရှင်း​နေတဲ့ကိုယ်စားလှယ်အဖွဲ့​ထောက်ခံပွဲမှာအမျိုးသား​ရေးလှုပ်ရှားသူ​တွေဆိုတဲ့ အရှင်သုစိတ္တ၊ ဝင်းကိုကိုလတ်၊ထိန်လင်းတို့က ဟောပြောခဲ့ကြပါတယ်။ အမျိုးသား​ရေးသမားဆိုသူ​တွေဟာ စစ်တပ်အာဏာမသိမ်းခင်က ​ရွေး​ကောက်ခံအရပ်သားအစိုးရကို ​ခေါင်းစဥ်မျိုးစုံနဲ့ ဆန္ဒပြကန့်ကွက်ပွဲ​တွေ လုပ်ခဲ့ကြပါတယ်။ဒါ​ပေ

မယ့်စစ်တပ်အာဏာသိမ်းပြီး​နောက်ပိုင်းမှာ ဆန္ဒပြတာ​တွေ​ နည်းသွားပါတယ် ။

၁၀၂၇ စစ်ဆင်​ရေး​ကြောင့် စစ်တပ်က တပ်ရင်း​တွေ ၊တပ်ရင်းဌာနချုပ်​တွေ ၊မြို့​တွေ ဆက်တိုက်လက်လွှတ်ဆုံးရှုံးအထိနာ​နေချိန်မှာ ​မြောင်ပိုင်းမဟာမိတ် ညီ​နောင်သုံးဖွဲ့ နဲ့ ပြည်ပမှ ကူညီ​နေတဲ့နိုင်ငံဆိုပြီး တရုတ်အစိုးရကို ဆန္ဒပြခဲ့ကြပါ​သေးတယ်။ အဲဒီ​နောက် အမျိုးသား​ရေးအစွန်း​ရောက်​တွေ ငြိမ်သက်​နေရာက ICJ မှာ ဂမ်ဘီယာကတရားစွဲလို့ အမှုရင်ဆိုင်ချိန်မှာ ပြန်လည်​ပေါ်လာကြတာဖြစ်ပါတယ် ။ ဒါအပြင် အမျိုးသား​ရေးသမားအချို့ဟာ စစ်တပ်အာဏာသိမ်းပြီး​နောက် မြို့ပြ​ပျောက်ကျားအဖွဲ့အချို့က ​သေနတ်နဲ့ပစ်ခတ်လို့ ​သေဆုံးသူအချို့ရှိခဲ့ပါတယ်။ဒါ​ကြောင့် လူသိများသူအချို့ဟာ လူမြင်ကွင်းက​နေ ကာလအ​တန်ကြာ​ပျောက်​နေတာဟာ ​ပစ်ခတ်လုပ်ကြံခံရမှာ​ကြောက်တာနဲ့လည်းဆက်စပ်နိုင်​တယ်လို့ ပြည်သူအချို့က​ပြောပါတယ် ။

ICJမှာ ဂမ်ဘီယာ-မြန်မာအမှုနဲ့ပတ်သက်လို့ အပြီးသတ်စစ်ဆေးကြားနာမှုတွေ ဒီသီတင်းပတ်မှာပဲ ပြီးဆုံးမှာဖြစ်ပါတယ်။ဒါပြီးရင် ICJ က မြန်မာနိုင်ငံအနေနဲ့ လူမျိုးတုံးသတ်ဖြတ်မှု ဂျီနိုဆိုက် ကွန်ဗင်းရှင်းကို ချိုးဖောက်ခြင်း ရှိ၊ မရှိ ဆုံးဖြတ်ချက်ကို ကြေညာဖို့ပဲ ကျန်ရှိပါတော့တယ်။ အဲဒီဆုံးဖြတ်ချက်ဟာ လပေါင်းများစွာ ကြာမြင့်နိုင်ပြီး နိုင်ငံတကာတရားရုံးတွေရဲ့ ဘဘောတရားအရ တစ်နှစ်လောက် ကြာနိုင်တယ်လို့ လက်ရှိ အမေရိကန်ပြည်ထောင်စု Cornell University ဥပဒေပညာဌာနရဲ့ ဧည့်ပါမောက္ခ ဒေါက်တာစုယဥ်ထွန်းက People’s Spring ကိုပြောပါတယ်။