ဩဂုတ်-၂၈၊၂၀၂၅၊မေ/People’s Spring
စစ်ကိုင်းတိုင်း၊ဝက်လက်မြို့နယ်၊ရုံးပင်ကုန်း ကျေးရွာကို စစ်ကောင်စီတပ်က လေကြောင်းတိုက်ခိုက်တာကြောင့် အမျိုးသမီး ၁ ဦး အပါအဝင် ၄ဦး သေဆုံးခဲ့တယ်လို့ ဒေသခံတွေက ပြောပါတယ်။
ဩဂုတ် ၂၇ ရက် ၊ညနေ ၅နာရီကျော်က တံတားဦး လေတပ်ကနေတက်လာတဲ့ ဂျက်ဖိုက်တာက ရုံးပင်ကုန်းရွာ ရေကန်အနီး အရှေ့ဘက်နဲ့ ဆေးရုံတို့ကို ဗုံးကြဲ ခဲ့တာလို့ သိရပါတယ်။
“အဓိက ပစ်တာ ရော့ကတ်အကြီးနဲ့ပစ်တယ် ၊စက်လက်လည်း ကုတ်တယ်၊ အဲတာအပြီး မတ္တရာမြို့ဘက်ကနေ လည်း ဟောင်ဝစ်ဆာ တွေပစ်တယ်”လို့ ဒေသခံတဦးကပြောပါတယ်။
Public Service Announcement
ပစ်ခတ်ခံရမှုမှာရုံးပင်ကုန်းရွာထဲကအသက်၅၀ ကျော်အရွယ်အမျိုးသမီး ၁ ဦး၊တပ်ရင်း ၁ ခု ရဲ့ ထမင်းချက်အမျိုးသား၁ဦးနဲ့နောက်ထပ်အမျိုး သား၂ဦး စုစုပေါင်း၄ဦး သေဆုံးခဲ့တယ်လို့ သိရပါတယ်။
ထိခိုက်ဒဏ်ရာရသူ ၆ ဦးလည်းရှိတယ်လို့ သိရပါတယ်။
ဒါ့အပြင်အဲဒီ လေယာဉ်ကပစ်ခတ်သွားတဲ့ရော့ကတ် လည်း ရုံးပင်ကုန်းရွာ ကွေ့အနီးမှာ မပေါက်ကွဲပဲ ကျန်နေခဲ့ သေးတယ်လို့သိရပါတယ်။
စစ်တပ်က ယခုလအတွင်း ဝက်လက်မြို့နယ်ကို လေကြောင်းတိုက်ခိုက်မှု တွေဆက်တိုက်ပြုလုပ် နေပြီး ဩဂုတ်လအတွင်း လေကြောင်းတိုက်ခိုက်မှု ၁၅ ကြိမ် ထက်မနည်းပြုလုပ်ခဲ့တယ်လို့သိရပါတယ်။
