သြဂုတ်−၂၄၊၂၀၂၅။ သုည/People’s Spring
စစ်ကိုင်းတိုင်းအတွင်းမှာ သပိတ်အဖွဲ့တွေ၊ ဒေသခံပြည်သူတွေက စစ်ကောင်စီကပြုလုပ်မယ့် တရားမဝင်ရွေးကောက်ပွဲကို ပြည်သူတစ်ရပ်လုံး ဆန့်ကျင်ကြဖို့ လှုပ်ရှားမှုတွေ ဒီကနေ့ (သြဂုတ် ၂၄)မှာ အသီးသီး ပြုလုပ်ခဲ့ပါတယ်။
စစ်ကိုင်းတိုင်း ယင်းမာပင်မြို့နယ်မြောက်ခြမ်းမှာ နောက်ပြန်မလှည့်ကြေးဒီတော်လှန်ရေးသပိတ်စစ်ကြောင်းက စစ်ကောင်စီက ပြုလုပ်မယ့် တရားမဝင်ရွေးကောက်ပွဲကို ပြည်သူတရပ်လုံးက ဆန့်ကျဉ်ကြောင်း ဆန္ဒထုပ်ဖော်ပြသခဲ့ကြပါတယ်။
ဆန္ဒပြပြည်သူတွေဟာ “သင့်မဲဖြင့် တရားဝင် လူသတ်ခွင့်မပေးနဲ့” စာသားတွေ ကိုင်ဆောင်ကာ ဖမ်းဆီးထားသောနိုင်ငံ့ခေါင်းဆောင်တွေနဲ့နိုင်ငံရေးအကျဉ်းသားတွေ အားလုံးချက်ချင်းလွှတ်ဖို့ ကြွေးကြော်သံတွေနဲ့ ချီတက်ခဲ့ကြပါတယ်။
Public Service Announcement
ဘုတလင်မြို့နယ်က အခြေခံပညာကျောင်းတခုမှာလည်း ကျောင်းသား၊ကျောင်းသူတွေကို လေကြောင်းတိုက်ခိုက်မှု ပြုလုပ်ခံရချိန်အတွင်းတွင်ဖြစ်ပေါ်လာနိုင်သောအခြေအနေတွေနဲ့ ပတ်သက်ပြီး ဆောင်ရန်ရှောင်ရန်အချက်အလက်တွေကို ဟောပြောခြင်း၊ ပုန်းရှောင်နည်းတွေကို လက်တွေ့ပြသခြင်းတို့ လုပ်ဆောင်ခဲ့ပါတယ်။
ယင်းမာပင်မြို့နယ်မှာလည်း အောင်လံလွှင့်မည် ဒေါင်းသွေးနီ သပိတ်စစ်ကြောင်း၊ အောင်လံလွှင့်မည် ရွှေရေကြည်သပိတ်စစ်ကြောင်းတို့က စစ်အာဏာရှင်ကို ဆန့်ကျင်ကြောင်း ချီတက်ဆန္ဒထုတ်ဖော်ခဲ့ပါတယ်။
စစ်ကိုင်းတိုင်းအတွင်းမှာ ဒေသခံတော်လှန်ပြည်သူတွေက နယ်မြေမငြိမ်သက်မှုကြားထဲကနေပဲ စစ်အာဏာရှင် ဆန့်ကျင်ရေး ဆန္ဒပြသပိတ်တွေကို နေ့စဉ်ပြုလုပ်နေကြပါတယ်။
