မေ-၂၀၊၂၀၂၅။ရှိန်း/People’s Spring
တောင်သာမြို့နယ်အတွင်းမှာ စစ်ကောင်စီရဲ့ Non-CDM ဝန်ထမ်း၁၁ဦးကို တောင်သာမြို့နယ်ပြည်သူ့ကာကွယ်ရေးတပ်ဖွဲ့က ဖမ်းဆီးခဲ့တယ်လို့ တော်လှန်ရေး တပ်တွေဆီကသိရပါတယ်။
မေလ၁၉ရက်နေ့မနက်ပိုင်းမှာတောင်သာ- ကျောက်ပန်းတောင်း လမ်းပိုင်းက စစ်ကောင်စီအထိုင်ဂိတ်ကို PDF တွေက ဝင်တိုက်ပြီးတဲ့နောက် အဲဒီနားက Non-CDM ဝန်ထမ်းအိမ်ယာက ဝန်ထမ်းတွေကိုဖမ်းဆီးခဲ့တာလို့သိရပါတယ်။
စစ်ကောင်စီရဲ့ဝန်ထမ်းအိမ်ယာကိုစီးနင်းပြီး ပညာရေးနဲ့ မြေစာရင်းဌာနဝန်ထမ်းက အမျိုးသား၅ဦး၊အမျိုးသမီး၁ဦး၊မိသားစုဝင် အမျိုးသား၃ဦး၊ အမျိုးသမီး၂ဦး စုစုပေါင်း ၁၁ဦးကိုဖမ်းဆီးခဲ့တာလို့ တောင်သာမြို့နယ်ပကဖနဲ့နီးစပ်သူတဦးက ပြောပါတယ်။
Public Service Announcement
“ကိုယ်ဝန်သည်တွေ ၊ကလေးတွေကို ပြန်လွှတ်ပေးလိုက်တယ်။ထိန်းသိမ်းဖို့လိုအပ်တဲ့သူတွေပဲ ထိန်းသိမ်းထားတဲ့ သဘောပါ”လို့အဲဒီလူကဆက် ပြောပါတယ်။
ဖမ်းဆီးလာတဲ့သူ တွေထဲက Non-CDM ဝန်ထမ်း မိသားစုဝင် တွေကိုတော့သတ်မှတ်ကာလ ကျော်လွန်ပါက ပြန်လွှတ်ပေးမှာဖြစ်ပြီး Non-CDM ဝန်ထမ်းတွေကို တော့ အထက်ကညွန်ကြားချက်အရ လုပ်ဆောင်သွားမယ်လို့သိရပါတယ်။
ဒီကိစ္စနဲ့ ပတ်သက်ပြီး တောင်သာမြို့နယ်ပအဖကလည်း တရားဝင်ထုတ်ပြန်သွားမယ်လို့ မြို့နယ်ပအဖ ပြော ရေးဆိုခွင့်ရှိသူက ပြောပါတယ်။
တောင်သာမြို့နယ်မှာ ၉/အညာ မြေ စစ်ဆင် ရေးကို တော်လှန်ရေးတပ် တွေက မေလ၁၅ရက် နေ့က စတင်ဆင်နွှဲခဲ့တာပါ။
တောင်သာနယ်ဟာ စစ်အစိုးရအဆက်ဆက် ပြည်ထောင်စုကြံခိုင်ရေးနဲ့ဖွံ့ဖြိုးရေးပါတီထောက်ခံသူများတဲ့ နယ်ဖြစ်ပါတယ်။ဒါပေမယ့် ၂၀၂၀ရွေးကောက်ပွဲမှာတော့ NLD ပါတီကအနိုင်ရရှိခဲ့ပါတယ်။
