သုည/People’s Spring
အမေရိကန်ပြည်ထောင်စု ကယ်လီဖိုးနီးယားပြည်နယ် ဆန်ဖရန်စစ္စကိုမြို့တော်ခန်းမရှေ့တွင် ပြည်ပရောက်မြန်မာနိုင်ငံသားများ စုပေါင်း၍ နွေဦးတော်လှန်ရေးအပေါ် နှောက်ယှက်ဟန့်တားနေသည့် တရုတ်အစိုးရကို ဆန့်ကျင်ကြောင်းယနေ့ (အောက်တိုဘာ ၂၀) ဆန္ဒပြကြခဲ့သည်။
ယင်းဆန္ဒပြပွဲကို “တရုတ်ကွန်မြူနစ်အစိုးရဲ့ နွေဦးတော်လှန်ရေးအပေါ် နှောက်ယှက်ဟန့်တားနေမှုများကို စုပေါင်းအားနဲ့ ဆန့်ကျင်ကြ” ဆိုသည့် ခေါင်းစဉ်ဖြင့် (၁၄၄) ကြိမ်မြောက် စဉ်ဆက်မပြတ် ဆန်ဖရန်စစ္စကို မြေပြင်လူထုသပိတ်တိုက်ပွဲကို ပြုလုပ်ခဲ့ကြသည်။
Public Service Announcement
ဆန္ဒပြမြန်မာနိုင်ငံသားများက “ဖက်ဆစ်တပ်နဲ့ပေါင်းပြီး မြန်မာပြည်သူတွေကို သတ်နေတာ ချက်ချင်းရပ်” ၊ “အဆုံးသတ်အောင်ပွဲဆီ လူထုလှိုင်းတွေနဲ့ တက်စုံဖွင့်ရွက်ကုန်လွှင့်ချီ”၊ “တသံတည်းညီ တချီထဲရုန်း” ၊ “ဖက်ဆစ်စစ်တပ်အမြစ်ဖြတ်” ၊ “Free Burma” ၊ “နွေဦးတော်လှန်ရေး ငါတို့နိုင်မှာ” စသည့် စာသားများကို ကိုင်ဆောင်ပြီး ဆန္ဒထုတ်ဖော်ခဲ့ကြသည်။
အဆိုပါမြေပြင်လူထုသပိတ်တိုက်ပွဲကို Free Burma Action Committee- Northern California က ဦးဆောင်ပြုလုပ်ခဲ့ပြီး နွေဦးတော်လှန်ရေး အင်အားစုများ၊ ထောက်ပို့ပြည်သူများက အတူတကွ ပူးပေါင်းကာ ဆန္ဒထုတ်ဖော်ခဲ့ကြသည်။
ဓာတ်ပုံ – Gary Racchio
