Tokio hökuməti qiymətlərin artmasının qarşısını almaq üçün fevral ayında 210.000 ton təcili düyü ehtiyatını buraxdı. Buna baxmayaraq, Yaponiyada düyü qiymətləri artmaqda davam edir.
Gununsesi.info xarici mediaya istinadən xəbər verir ki, Yaponiyada fövqəladə ehtiyatların buraxılmasına baxmayaraq, düyü qiymətləri sürətlə artmağa davam edir.
Yaponiyanın ənənəvi mətbəxində mühüm yer tutan düyü istehsalı son dövrlərdə baş verən iqlim hadisələri və təbii fəlakətlərdən mənfi təsirlənib.
Buna cavab olaraq, Tokio hökuməti istehsalın azalması ilə əlaqədar artan qiymətləri kompensasiya etmək üçün fevral ayında təqribən 210 min tonluq düyü ehtiyatı buraxdı.
Milli mətbuatda yer alan xəbərlərə görə, hökumətin bu addımına baxmayaraq, ölkə daxilində düyü qiymətləri artmaqda davam edir.
Hökumətin bazarda təklifi artırmaq üçün atdığı addıma baxmayaraq, “düyü qıtlığı və yüksək topdansatış qiymətlərinin qəbulu” qiymət enişini cilovlayıb.
Hökumətin məlumatına görə, ölkədə 60 kiloqramlıq çantanın orta qiyməti iki il əvvəllə müqayisədə 55 faiz artaraq 160 dollara çatıb.
Orxan
