Rusiya hərbçiləri 2024-cü ilin avqustunda gözlənilməz transsərhəd hücumundan sonra Şimali Koreya qoşunlarının da döyüşdüyü Kursk bölgəsində Ukrayna qüvvələrini geri itələyir. Putin bildirib ki, rus qoşunları Kurskda müdafiə xəttini yarıb, bu istiqamətdə tam cəbhədə irəliləyiş edib və Ukrayna ərazisinə keçiblər. Polkovnik Sergey Rudskoy, “800 kvadrat kilometrdən çox ərazi azad edildi” deyib.
Gununsesi.info xarici mediaya istinadən xəbər verir ki, Kursk bölgəsi 12 minə yaxın Şimali Koreya əsgərinin Rusiya ordusunun sıralarına qoşulduğu ən qaynar cəbhə xəttidir.
Rusiya Müdafiə Nazirliyi ötən gün Rusiya qüvvələrinin Ukrayna hərbi aerodromunun infrastrukturuna, pilotsuz təyyarələrin yığılması obyektlərinə və hərbi sənaye kompleksinə dəstək verən Ukraynanın enerji obyektlərinə zərbələr endirib.
Nazirlik həmçinin qeyd edib ki, Rusiya hava hücumundan müdafiə bölmələri eyni gündə Ukraynaya məxsus MİQ-29 qırıcı təyyarəsini vurub, bir neçə raket, hava bombası və 100-dən çox pilotsuz uçan aparatı ələ keçirib.
Digər tərəfdən, Ukrayna Silahlı Qüvvələrinin Baş Qərargahı dünən günortaya qədər cəbhə xəttində onlarla toqquşma baş verdiyini açıqlayıb.
Bildirilib ki, bu toqquşmalar zamanı Ukrayna qüvvələri Xarkov və Pokrovsk istiqamətində Rusiyanın bir neçə hücumunu uğurla dəf edib.
Ukraynanın enerji şirkəti DTEK bu gün Rusiya qüvvələrinin Ukraynanın cənubundakı Odessa vilayətində enerji infrastrukturuna hücum etdiyini açıqlayıb.
Orxan Saffari
