2020-ci ildə qlobal pandemiya başlayandan bəri ilk dəfə bir amerikalı turist Şimali Koreya torpağına ayaq basdı.
Gununsesi.info xarici mediaya istinadən xəbər verir ki, pandemiya bütün ziyarətçiləri əngəlləsə də, amerikalılara koronavirusun yayılmasından çox əvvəl Şimali Koreyaya giriş qadağan edildi.
Həmin vaxta qədər Şimali Koreyaya 11 dəfə səfər etmiş Castin Martell qadağa qüvvəyə mindiyi vaxt ölkədə olub. Şimali Koreyaya girişin qiymətinin 250 min dolları keçdiyini ifadə edən Martell, əksər tur bələdçilərinin mövzu haqqında məlumatlı olduğunu, lakin siyasi mövzularda susmağa üstünlük verdiklərini söyləyir.
Maska taxmaq və temperatur yoxlamaları kimi ciddi sağlamlıq tədbirləri hələ də mütəmadi olaraq tətbiq edilsə də, yerli bazarlar da daxil olmaqla məşhur turistik yerlər virusun ötürülməsi ilə bağlı davamlı qorxular səbəbindən bağlı qalır.
Konnektikut əsilli kinorejissor Martell, “Görünür, Covid-19-un Cənubi Koreyadan göndərilən bir şar vasitəsilə ölkəyə daxil olması ilə bağlı söz-söhbət var” deyib.
“Ruslar ikinci pasport aldığı üçün qiymətlər iki-üç dəfə artıb”, – deyən Martell, “İndi insanlar 250 min dollar ödəyir. Mən ondan çox az ödəmişəm”-deyə bildirib.
Orxan Saffari
