Böyük Britaniyada geniş istifadə olunan, reseptsiz satılan ağrıkəsici parasetamolun bəzi partiyaları “çirklənmiş” şübhəsi ilə bazardan çıxarılır.
Gununsesi.info xarici mediaya istinadən xəbər verir ki, Dərman və Sağlamlıq Məhsullarını Tənzimləmə Agentliyi (MHRA) bəzi tabletlərin “rənginin dəyişdiyi” aşkar edildikdən sonra Chelonia Healthcare Limited tərəfindən istehsal olunan 500 mq parasetamol tabletlərinin iki partiyasını geri çağırıb.
Səlahiyyətlilər bu dərmanı əlində saxlayan xəstələrə xəbərdarlıq edib ki, qutulardakı 2312010 və 2312011 nömrəli partiyaları yoxlasınlar . Sözügedən partiyaların bu il buraxıldığı və son istifadə tarixinin 30 noyabr 2027-ci il olduğu bildirilib.
“Tabletlər bir tərəfi zolaqlı ağ kapsul formasında olmalıdır. Əgər siz bu partiyalardan butulkalarda rəngini dəyişmiş hər hansı tablet görsəniz, lütfən, dərmanı yazan əczaçı və ya tibb işçinizlə əlaqə saxlayın”, – MHRA-nın açıqlamasında deyilir.
Səlahiyyətlilər onu da vurğuladılar ki, bu dərmanlardan istifadə edən və hər hansı bir yan təsiri olan hər kəs dərhal həkimə müraciət etməlidir. Tibb işçilərinə dərmanların qalan partiyalarının qəbulunu dayandırmaq tapşırılıb.
Orxan
