Bu gün Azərbaycan təmsilçisi “Araz-Naxçıvan” futzal üzrə UEFA Çempionlar Liqasının ilkin mərhələsində növbəti matçına çıxıb.
Gununsesi.info xəbər verir ki, B qrupunda yer alan komanda Estoniya çempionu “Sillamae Silla” ilə üz-üzə gəlib.
İsveçin Uddevalla şəhərində keçirilən oyun təmsilçimizin 7:0 hesablı qələbəsi ilə başa çatıb.
Qeyd edək ki, “Araz-Naxçıvan” ilk oyunda Şimali İrlandiyanın “Sparta Belfast” klubuna 7:1 hesabı ilə qalib gəlib. Vitali Borisovun baş məşqçisi olduğu komanda avqustun 24-də İsveçin “Uddevalla” klubu ilə qarşılaşacaq.
Əlavə edək ki, yalnız qrup liderləri əsas mərhələyə vəsiqə qazanacaq.
22 avqust
18:00. “Araz-Naxçıvan” – “Sillamae Silla” – 7:0
Qollar: Amadeu, 4:54, Yaniç, 12:01, Kadinho, 15:54, 25:54, K. Manafov, 24:39, Ü. Əliyev, 32:32, X. Ağalızadə, 34:03
