Ukrayna və ABŞ rəsmiləri arasında Rusiya ilə müharibəyə son qoyulması ilə bağlı kritik danışıqlar bu gün Səudiyyə Ərəbistanında başlayacaq. Bu, Ağ Evdə Tramp-Zelenski debatından sonra ilk görüş olacaq.
Gununsesi.info xarici mediaya istinadən xəbər verir ki, ABŞ və Ukrayna rəsmiləri Ukrayna prezidenti Vladimir Zelenskinin keçən ay Ağ Evə “fəlakətli” səfərindən sonra ilk dəfə görüşməyə hazırlaşır.
Zelenski bu gün Səudiyyə Ərəbistanının vəliəhd şahzadəsi Məhəmməd bin Salmanla görüşəcəyini, sonra komandasının sabah Amerika komandası ilə görüşə davam edəcəyini bildirib.
Qırmızı dəniz liman şəhəri Ciddədə keçirilən danışıqlarda ABŞ-ın Yaxın Şərq üzrə elçisi Steve Witkoff bildirib ki, Vaşinqton “sülh razılaşması və ilkin atəşkəs üçün çərçivə yaratmaq” istəyir.
Zelenski bildirib ki, Ukrayna konstruktiv dialoqa tam sadiqdir, lakin onun maraqlarının lazımi qaydada nəzərə alınmasını istəyir. “Biz ümid edirik ki, həm sülhü yaxınlaşdırmaq, həm də davamlı dəstək baxımından nəticələr əldə edəcəyik”, o, dünən axşamkı çıxışında deyib.
Orxan
