ABŞ -da yaşayan tanınmış jurnalist Qənirə Ataşova növbəti araşdırmasında Azərbaycanda həkim kimi tanıdılan Türkiyə vətəndaşı Musa Kılıcın vergidən yayındığını yazıb.
Gununsesi.info jurnalistin sosial şəbəkə hesabında yazdığı həmin məlumatları təqdim edir:
“Vergilər Nazirliyinin diqqətinə: İnbox-ma daxil olan məlumata əsasən, Azərbaycanda həkim kimi tanıdılan, lakin tibb diplomu olmayan Musa Kılıçın vergidən yayınması ilə bağlı müəyyən iddialar mövcuddur. İnboxuma göndərilən video materiallarda Musa Kılıçın fəaliyyət göstərdiyi İstanbul NS Klinikası və Medera Hospitalda pasiyentlərin qəbulu zamanı yalnız seçilmiş bir-iki nəfərin reception vasitəsilə rəsmiləşdirildiyi, digər hallarda isə ödənişin qəbz təqdim edilmədən, qeyri-rəsmi şəkildə qəbul edildiyi əks olunub.
Onun qeyri rəsmi işlərinə nəzarəti isə arvadı Elmira TARTARASHVILI edir. Bildirilir ki, Musa Kılıç orta hesabla ayda pasiyent qəbulundan və müalicəsindən 60,000 manat gəlir əldə edir. Sözügedən məbləğin nə dərəcədə rəsmi uçota alındığı və vergiyə cəlb edilib-edilmədiyi barədə suallar yaranır. Məlumat verən şəxslər bildirir ki, özəl klinikalarda xüsusi daxili proqram (application) mövcuddur. Həmin proqramın vergi yoxlamaları zamanı avtomatik olaraq yalnız “ağ hissə”ni – yəni rəsmi sənədləşdirilən gəlirləri göstərdiyi, əlavə düymə və ya müəyyən parametrlər dəyişdirildikdə isə gerçək, tam gəlir göstəricilərinin, yəni “qara hissə”nin də görünə bildiyi qeyd edilir.
Bu videoda tam gəlir görünür. Amma vergi gəlırkən təbii bu sənədlıri görə bilmir. Azərbaycanda bəzi özəl klinikalar tərəfindən istifadə edilən proqram təminatları, gəlirlərin bir hissəsini rəsmi uçota salır (ağ hissə), qalanını isə sistemdə gizlədərək vergidən yayındırır (qara hissə).
Vergilər Nazirliyi həmin proqramları satan və quran şirkətlərin bazasına daxil olsa, bu proqramların texniki funksiyalarını yoxlasa, həm gizli modulları, həm də silinmiş və ya gizlədilmiş real gəlir məlumatlarını aşkarlaya bilər. Yəni, proqramların daxili mexanizmləri üzə çıxarılsa, həmin klinikaların əsl gəliri və dövlətə ödənilməyən vergiləri də tam görünər. Məlumatların doğru olub-olmadığına dair fikir bildirmirəm, məlumat toplusunu və iddiaları sizə çatdırıam. Qəbz almadan qəbulda olanlar buyurun yazın VN-də görsün”.
Şəbnəm
