အောက်တိုဘာ-၁၀၊၂၀၂၅။သုည/People’s Spring
စစ်ကိုင်းနဲ့ မကွေးတိုင်းအတွင်းကသပိတ်အဖွဲ့တွေ၊ ဒေသခံပြည်သူတွေဟာ ဆီမီးသပိတ်မှာ ကျဆုံးခဲ့ရတဲ့ ကျောင်းသားပြည်သူတွေအတွက် ဆုတောင်းခြင်း သပိတ်လှုပ်ရှားမှုတွေဒီကနေ့ မှာအသီးသီး ပြုလုပ်ခဲ့ပါတယ်။
စစ်ကိုင်းတိုင်း ကလေးမြို့မှာ “ တော်လှန်ဆီမီးထွန်းသပိတ်” လေကြောင်းတိုက်ခိုက်ခံရမှုမှာ ကျဆုံးခဲ့တဲ့ ပြည်သူတွေကို ဖယောင်းတိုင်ထွန်း အောက်မေ့သတိရ ဝမ်းနည်းခြင်း ပြုလုပ်ခဲ့ကြပါတယ်။
ယင်းသပိတ်ကို ကလေးမြို့လူထုတိုက်ပွဲဦးဆောင်ကော်မတီအနေနဲ့ တော်လှန်ပြည်သူတွေနဲ့အတူ ပူးပေါင်းကာ လေကြောင်းတိုက်ခိုက်ခံရမှုမှာ ကျဆုံးခဲ့တဲ့ မုံရွာ-ချောင်းဦးက ဒေသခံပြည်သူတွေ၊ လူထုလှုပ်ရှားမှု ဦးဆောင်ဦးရွက်ပြုရင်း မြင့်မြတ်စွာအသက်ပေးလှူခဲ့တဲ့ မုံရွာ-အမြင့်လမ်းသပိတ်ဦးဆောင်ကော်မတီအဖွဲ့ဝင်တွေကို ဖယောင်းတိုင်ထွန်း အောက်မေ့သတိရဝမ်းနည်းခြင်းအစီအစဉ် ပြုလုပ်ခဲ့ပါတယ်။
Public Service Announcement
မြင်းမူမြို့နယ်မှာလည်း သပိတ်အင်အားစုက စစ်ကောင်စီပြုလုပ်မယ့် ရွေးကောက်ပွဲကို ဆန့်ကျင်ကြောင်း “ သင့်မဲဖြင့် တရားဝင် လူသတ်ခွင့်မပေးနဲ့” ၊ “ ထွက်ပေါက်မဟုတ်ဘူး ထောင်ချောက်” ၊ “ ဖက်ဆစ်ရွေးကောက်ခွေးထွက်ပေါက် မဲမပေးနဲ့သပိတ်မှောက်” စာသားကိုင်ဆောင်ပြီးဆန္ဒထုတ်ဖော်ခဲ့ပါတယ်။
မကွေးတိုင်းယောဒေသမှာလည်းယောကာကွယ်ရေးတပ် – YDF က ယောဒေသ အပါအဝင် မြန်မာတနိုင်ငံလုံးရှိ အာဏာရှင်စနစ်အား အမြစ်ပြတ် တွန်းလှန်နိုင်ရေးအတွက် တာဝန်ထမ်းဆောင်ရင်း မြင့်မြတ်စွာ အသက်ပေးလှူသွားခဲ့သော ရဲဘော်အပေါင်းတို့အား အောက်မေ့ဖွယ်ဆီမီးထွန်းဂုဏ်ပြုခြင်း အခမ်းအနားပြုလုပ်ခဲ့ပါတယ်။
(ဓာတ်ပုံ – ရွာပေါင်းစုံသပိတ်၊ GSCB ၊ ကလေးမြို့နယ်သပိတ်)
