အောက်တိုဘာ-၉၊၂၀၂၅။ သုည/People’s Spring
စစ်ကိုင်းတိုင်းအတွင်းကသပိတ်အဖွဲ့တွေ၊ ဒေသခံပြည်သူတွေဟာ စစ်တပ်ရဲ့ လေကြောင်းတိုက်ခိုက်မှုကြောင့်ကျဆုံးခဲ့တဲ့ပြည်သူတွေအတွက်ဝမ်းနည်းခြင်းအထိမ်းအမှတ်တွေ ဒီကနေ့ (အောက်တိုဘာ ၉) မှာ အသီးသီး ပြုလုပ်ခဲ့ပါတယ်။
စစ်ကိုင်းတိုင်း၊ကလေးမြို့နယ်မှာ၊လူထုတိုက်ပွဲဦးဆောင်ကော်မတီက သီတင်းကျွတ်လပြည့်၊” တော်လှန်ဆီမီးထွန်းသပိတ်” လေကြောင်းတိုက်ခိုက်ခံရမှုမှာ ကျဆုံးခဲ့တဲ့ မုံရွာ-ချောင်းဦးမှ ဒေသခံပြည်သူတွေနဲ့ မြင့်မြတ်စွာအသက်ပေးလှူခဲ့တဲ့ မုံရွာ-အမြင့်လမ်းသပိတ်အဖွဲ့ဝင်တွေအတွက် ဖယောင်းတိုင်ထွန်း ဝမ်းနည်းခြင်းအထိမ်းအမှတ် ပြုလုပ်ခဲ့ပါတယ်။
ဘုတလင်မြို့နယ်မှာလည်း ကျောင်းသားများသမဂ္ဂ ( ဗကသများအဖွဲ့ချုပ် ) မှ စစ်ကောင်စီက ကျင်းပပြုလုပ်မယ့် ရွေးကောက်ပွဲကို ဆန့်ကျင်ကြဖို့ စစ်သုံးစစ်ကို အမြစ်ပြတ်တိုက်ဖျက်ကြဖို့ ပြည်သူလူထုကို လှုံ့ဆော်စည်းရုံးခဲ့ကြပါတယ်။
Public Service Announcement
သမဂ္ဂရဲဘော်တွေက ရွေးကောက်ပွဲဆန့်ကျင်ရေး ပန်းဖလက်တွေကိုလည်း ဘုတလင်လင်မြို့နယ်ရှိ ကျေးရွာတွေမှာ ဖြန့်ဝေခဲ့ကြပါတယ်။
ဘုတလင်မြို့နယ် ကျေးရွာတစ်ရွာမှာလည်း ဒေါင်းရာဇာပင်မသပိတ်ဦးဆောင်ပြီး “ ဖက်ဆစ်ရွေးကောက် ခွေးထွက်ပေါက် မဲမပေးနဲ့သပိတ်မှောက် ၊ သင့်မဲဖြင့် တရားဝင်လူသတ်ခွင့်မပေးနဲ့ ၊ လုံးဝအုပ်ချုပ်ခွင့်မရစေရ” ဟူသော စာသားတွေကိုင်ဆောင်ကာ ဆီမီးသပိတ်ပြုလုပ်ခဲ့တယ်။
ပြီးခဲ့တဲ့ရက်ပိုင်းက စစ်ကိုင်းတိုင်း ချောင်းဦးမြို့နယ် ညောင်ပင်သာအုပ်စု ဘုံတိုရွာမှာ သီတင်းကျွတ်မီးထွန်းပွဲ ကျင်းပရာနေရာကို စစ်ကောင်စီတပ်က ပါရာမော်တာတပ်နဲ့ ဗုံးကြဲချခဲ့ရာ အရပ်သားပြည်သူ ၂၈ဦးသေဆုံးပြီး ၄၀ကျော် ဒဏ်ရာရရှိခဲ့ပါတယ်။
ဓာတ်ပုံ – ရွာပေါင်းစုံသပိတ်၊ GSCB ၊ ကလေးမြို့နယ်သပိတ်
