စက်တင်ဘာ-၁၅၊၂၀၂၅။ဇေအောင်/People’s Spring
မန္တလေးတိုင်း၊ မိတ္ထီလာမြို့က လမ်းဘေးတွေမှာ ၃ ရက်အတွင်း ရုပ်အလောင်း ၂ လောင်းကိုတွေ့ရှိခဲ့ကြောင်း သတင်းရရှိပါတယ်။
စက်တင်ဘာ ၁၃ ရက်ညနေကမိတ္တီလာမြို့နယ်၊သီးကုန်းကျေးရွာအနီးမှာ အမျိုးသမီးရုပ်အလောင်းတစ်လောင်း တွေ့ရှိခဲ့ကြောင်း ဒေသခံတွေက ပြောပါတယ်။
အလားတူစက်တင်ဘာ၁၅ ရက်မနက်ပိုင်းကလည်း မိတ္ထီလာမြို့၊ နန်းတော်ကုန်းကန်ဘောင်အနီးမှာ ထိုးသွင်းဒဏ်ရာတွေနဲ့ အမျိုးသားရုပ်အလောင်းတစ်လောင်းကို ထပ်မံတွေ့ရှိခဲ့ကြောင်း ဒေသခံတွေက ပြောပါတယ်။
Public Service Announcement
“ အမျိုးသားက အသက် ၃၀ အရွယ်လောက်ရှိတယ်။ထိုးသွင်းဒဏ်ရာတွေ့တယ်” လို့ လူမှုကူညီရေးအသင်းတွေနဲ့ နီးစပ်သူတဦးက ပြောပါတယ်။
သေဆုံးသူတွေရဲ့ အသေးစိတ်အချက်အလက်တွေတော့ မသိရသေးပါဘူး။
မိတ္ထီလာမြို့မှာ ပြီးခဲ့တဲ့ စက်တင်ဘာ ၁၁ ရက်နေ့ကလည်း လက်ဖက်ရည်ဆိုင်ဝန်ထမ်းချင်းစကားများရာက ဓားထိုးမှုဖြစ်ပွားပြီး အသက် ၁၇ နှစ်အရွယ် စားပွဲထိုးတဦး သေဆုံးခဲ့ပါသေးတယ်။
မိတ္ထီလာမြို့ဟာ အာဏာသိမ်းစစ်ကောင်စီတပ်တွေ အများအပြားရှိပေမယ့်လုယက်မှုတွေ၊ ခိုးယူမှုစတဲ့ ဒုစရိုက်မှုတွေ မကြာခဏ ဖြစ်ပွားနေပါတယ်။
