လုံးခင်း​​ဂေါက်ကွင်းအနီးတိုက်ပွဲဖြစ်လို့ ​ဂေါက်ရိုက်​နေသူ​တွေထွက်​ပြေးရ

သြဂုတ်-၃၀၊၂၀၂၅။လူ​အေး/People’s Spring

ဖားကန့်​ဒေသ၊ လုံးခင်းဂေါက်ကွင်းအနီး KIA၊KPDF ပူးပေါင်းတပ် နဲ့ စစ်ကောင်စီတပ်တို့ကြားယနေ့ ညနေပိုင်းတိုက်ပွဲဖြစ်ပွားတာ​ကြောင့် ဂေါက်ရိုက်နေသူတွေ ထွက်ပြေးခဲ့ရပါတယ်။

လုံးခင်း ဂေါက်ကွင်း ဘေးမှာရှိနေသူတစ်ဦးက ရိုက်ကူးထားတဲ့ရုပ်သံမှာဆိုရင် တိုက်ပွဲဖြစ်ပြီး ​သေနတ်ပစ်ခတ်သံ​တွေကြားရပြီး​နောက် ဂေါက်ရိုက်နေသူတွေ​ရော၊အနီးကရှိ​နေသူ​တွေပါ လေးဘက်ထောက်ပြေးသူတွေပြေး၊ ဝမ်းလျားမှောက်ဝပ်သူကဝပ်နဲ့ ​ကြောက်လန့်တကြားထွက်​ပြေးကြရပါတယ်။

Public Service Announcement

တိုက်ပွဲဟာ ဂေါက်ကွင်းရဲ့အောက်ဖက် မလှမ်းမကမ်းမှာ ညနေသုံးနာရီခန့်ကစပြီး ဖြစ်နေတာလို့ ဒေသခံတစ်ဦးကပြောပါတယ်။တိုက်ပွဲ​ကြောင့်နှစ်ဖက်ထိခိုက်​သေဆုံးမှုရှိ ၊မရှိကို​တော့အ​ခြေအ​နေကို​တော့ မသိရ​သေးပါဘူး။

ပြီးခဲ့သည့်ဇွန်လက ကာမိုင်း – လုံခင်းလမ်းအတိုင်း ဝင်လာတဲ့ စစ်ကောင်စီစစ်ကြောင်းဟာ ဖားကန့်ကို ရောက်ရှိပြီးနောက်လုံးခင်းရော၊ ဖားကန့်မှာပါ တိုက်ပွဲတွေဖြစ်နေတာပါ။ တိုက်ပွဲဖြစ်တဲ့နေရာတွေကို စစ်ကောင်စီကလက်နက်ကြီးနဲ့ပစ်ခတ်နေလို့ လက်နက်ကြီးအန္တရာယ်ကိုသတိပြုကြဖို့ KIA၊KPDF ပူးပေါင်းတပ်က သတိပေးထားပါတယ်။

ဩဂုတ်လ ၂၇ရက်တုန်းက ဖားကန့်ဗျူဟာကုန်း ကနေ ပစ်ခတ်လိုက်တဲ့လက်နက်ကြီးဟာဆွတ်အိန်ယာန်ရွာသို့ ကျရောက်ပေါက်ကွဲပြီး ဒေသခံလေးဦးဒဏ်ရာရခဲ့ပါတယ်။

ဒီကနေ့(သြဂုတ် ၃၀)ညနေ ၅နာရီခန့်မှာလည်းဖားကန့်၊ရွှေညောင်ပင်ဆီဆိုင်ဘေးကိုလက်နက်ကြီးကျရောက်ပေါက်ကွဲလို့အရပ်သားလေးဦးဒဏ်ရာရခဲ့ပြန်ပါတယ်။