မေ ၁၉၊၂၀၂၅။ရဲခေါင်/People’s Spring
ရန်ကုန်မြို့၊လှိုင်သာယာစက်မှုဇုန်တွင် Adidas ဖိနပ်များချုပ်နေသော ချန်းရိ(Tsang Yih)ဖိနပ်စက်ရုံလုပ်သားများကလုပ်အားခတိုးပေးရန် တောင်းဆိုမှုကို တစ်ရက်လျင်ကြက်ဥနှစ်လုံးစာ ၉၀၀ ကျပ်သာ လုပ်ခတိုးပေး၍ က ဆက်လက်ဆန္ဒထုတ်ဖော်နေသည်။
တစ်ရက်အခြေခံလုပ်ခ(နေ့ကြေး) အချိန်ပိုကြေး၊ လုပ်သက်ကြေး နှင့် ရက်မှန်ကြေး စုစုပေါင်း ၇၆၀၀ကျပ်သာရနေ၍ တစ်ရက် ၁၂,၀၀၀ကျပ်တိုးမြှင့်ပေးရန်စက်ရုံလုပ်သားများက မေလ ၁၄ ရက်နေ့ကစ၍ တောင်းဆိုခဲ့ကြသည်။
သို့သော်စက်ရုံဘက်ကမူ လက်ရှိပေးနေသော တစ်ရက်အခြေခံလုပ်ခ ၅,၂၀၀ကျပ်ကို အပိုထောက်ပံ့ကြေး ၂,၀၀၀ ကျပ်၊အခြားထောက်ပံ့ကြေး ၄၀၀ ကျပ်ကို ထပ်ဆောင်းထောက်ပံ့ကြေး ၉၀၀ ကျပ်ပေးချေကာစုစုပေါင်းတစ်ရက်လုပ်ခ ၈,၅၀၀ကျပ် ပေးမည်ဟု မေလ ၁၇ ရက်က ဆန္ဒထုတ်ဖော်သည့်အလုပ်သမားကိုယ်စားလှယ်ဆိုသူများနှင့်စာချုပ်
Public Service Announcement
ချုပ်ဆိုခဲ့သည်။ထိုကြောင့် စက်ရုံလုပ်သားများ၏ တောင်းဆိုမှုကို ထပ်ဆောင်းထောက်ပံ့ကြေးခေါင်းစဥ်ဖြင့် ၉၀၀ ကျပ်သာတိုးပေးခဲ့ခြင်းဖြစ်သည်။
ရက်မှန်ကြေးကို ယခင် ၂၀,၀၀၀ ကျပ်မှ ထပ်တိုး ၂၀,၀၀၀ ကျပ် တိုးမည်ဆိုသော်လည်းလုပ်သက်
ခွင့်မှလွဲ၍ ပျက်ကွက်ပါကရှေ့ ၁၅ ရက်မှ ၂၀,၀၀၀ ကျပ်နောက် ၁၅ ရက်မှ၂၀,၀၀၀ ကျပ်ဖြတ်တောက်မည်ဟု စာချုပ်၌ ဖော်ပြသည်။အချိန်ပိုကြေး တစ်နာရီ ၁,၆၀၀ ကျပ်ကိုလည်း ယခင်နှုန်အတိုင်းပေး
ချေမည်ဟုပါရှိသည်။
ထို့အပြင် နေ့ကြေး၊ အချိန်ပိုကြေး၊ ရက်မှန်ကြေး
နှင့် လုပ်သက်ကြေးများကို တနှစ်အတွင်း တိုးမြှင့်တောင်းဆိုခြင်း ထပ်မံမပြုလုပ်ရဟူသောအချက်ကို စာချုပ်၌ထည့်သွင်းထားသည်ကိုလည်းတွေ့ရသည်။
ထိုစာချုပ်သည်၎င်းတို့၏သဘောထားဆန္ဒမဟုတ်ဘဲ လက်မှတ်ထိုးခဲ့သည့်သူများဖြေရှင်းပေးရန် မေလ ၁၉ ရက်တွင်စက်ရုံလုပ်သားများက ဆက်
လက်ဆန္ဒထုတ်ဖော်ခဲ့ကြသည်။
ထို့အပြင် ယနေ့ နံနက်ပိုင်းကစက်ရုံအလုပ် သမား ဆန္ဒပြပွဲကို အာဏာသိမ်းစစ်ကောင်စီ၏ အလုပ် သမား ဒုဝန်ကြီး ဦးဝင်းရှိန်လာရောက်ပြီးအလုပ်
သမားများကို လုပ်ငန်းခွင်ပြန်ဝင်ရန် ပြောဆိုခဲ့ကြောင်းချန်းရိစက်ရုံလုပ်သားအချို့ကအသိပေးသည်။
“စာချုပ်တွေနဲ့ အလုပ်သမားဥပဒေအကြောင်း ပြောတာ။ကျွန်မတို့ တောင်းဆိုတဲ့ ဒေးကြေးကိစ္စကိုတော့ ဘာမှမပြောဘူး။အလုပ်ထဲ ပြန်ဝင်ဖို့ပြောတယ်။အခုစက်ရုံဘက်ကတိုးပေးတယ်ဆိုတဲ့ ငွေ ၉၀၀ က ကျပ်ဥ နှစ်လုံးစာပဲရှိတယ်။တချို့နေရာတွေဆိုအဲဒီငွေနဲ့ ဝယ်တောင်မရဘူး”ဟု ချန်းရိစက်ရုံလုပ်သားတစ်ဦးက ၎င်းတို့ ဆန္ဒထုတ်ဖော်သည့်အခြေအနေကို လူထုနွေဦးသို့ရှင်းပြသည်။
ရန်ကုန်မြို့၊လှိုင်သာယာမြို့နယ်၊အပြင်ပဒံရပ်ကွက်၊အနော်ရထာစက်မှုဇုန်အပိုင်း၂ တွင်ရှိသည့် ချန်းရိစက်ရုံတွင်လုပ်သား ၅,၀၀၀ ထက်မနည်းရှိသည်ဟုသိရသည်။
အထည်ချုပ်ကဏ္ဍ၌ တရားဝင်အနိမ့်ဆုံးလုပ်ခလစာကို ပြန်လည်သုံးသပ်ရန် ဥရောပကုန်သည်ကြီးများအသင်း(EuroCham Myanmar)က တိုက်တွန်းထားသည်။
ထို့အပြင် မြင့်တက်နေသည့် ကုန်ဈေးနှုန်းကြောင့် ပြည်တွင်းအလုပ်သမားများ၏ အနည်းဆုံးလုပ်ခလစာကို ရှစ်နာရီ (တစ်ရက်) အလုပ်ချိန်အတွက် ၁၂,၀၀၀ မှ၁၇,၀၀၀ကျပ်ထိတိုးမြှင့်ပေးရန်အလုပ်သမားသမဂ္ဂအဖွဲ့များကလည်းတောင်းဆိုထားသည်။
စစ်ကောင်စီက ပြည်တွင်း၌ တစ်ရက်အနည်းဆုံးလုပ်ခလစာကိုတစ်ရက်လျှင် ၆,၈၀၀ ကျပ် သတ်မှတ်ထားသည်။
