ဇေအောင်/People’s Spring
စစ်ကိုင်းတိုင်း၊ မုံရွာ – မန္တလေးလမ်းပိုင်းတွင် စစ်ကောင်စီတပ်သားများက ခရီးသည်ယာဥ်များပေါ် လိုက်ပါပြီး ခရီးသည်များအား မိုင်းရှင်းခိုင်းနေကြောင်း ခရီးသွားပြည်သူများက ပြောသည်။
ယနေ့(နိုဝင်ဘာ၂၀ရက်) နံနက် ၆ နာရီကျော်က မုံရွာမြို့နယ်၊ မုံရွာ-မန္တလေးလမ်းပေါ်တွင် ခရီးသည်တင်ကားများပေါ်သို့ မြပုလဲဆီဆိုင်ဂိတ် မှ စစ်ကောင်စီတပ်သားများ လိုက်ပါလာပြီး ယာဉ်ပေါ်ပါ ခရီးသွားပြည်သူများအား မိုင်းဆင်းရှာခိုင်းခဲ့ကြောင်း ခရီးသွားများက ပြောသည်။
ထို့အပြင် ခရီးသွားပြည်သူများအနက်မှ သုံးဦးကိုလည်း ဓားစာခံအဖြစ် ဖမ်းဆီးထားကြောင်း ခရီးသွားများက ပြောသည်။
Public Service Announcement
“ကားတားလိုက်လာတဲ့စခတွေ မုံရွေးတိုးဂိတ်ရောက်နေတယ်။ ပြည်သူတွေကိုလည်း ဖမ်းဆီးပြီး မိုင်းရှာခိုင်းနေတယ်။”ဟု ဒေသခံတစ်ဦးက ပြောသည်။
ယခင်ကလည်း မုံရွာ – မန္တလေးလမ်းပေါ်တွင် စစ်ကောင်စီတပ်က ၎င်းတို့မိုင်းထိမည်စိုး၍ ခရီးသည်တင်ယာဥ်များပေါ်သို့ လိုက်ပါခြင်း၊
ပြည်သူများအား ကားပေါ်မှဆင်းခိုင်းပြီး မိုင်းရှာခိုင်းခြင်းများ ပြုလုပ်လေ့ကြောင်း ဒေသခံများက ပြောသည်။
ယခုရက်ပိုင်းအတွင်း ချောင်းဦးမြို့နယ်၌ စစ်ကောင်စီတပ်နှင့် ကာကွယ်ရေးအဖွဲ့များ ပစ်ခတ်မှုအချို့ရှိနေပြီး စစ်အုပ်စုထိခိုက်မှုများရှိခဲ့သည်။
နိုဝင်ဘာ ၁၇ ရက်က ချောင်းဦးမြို့ပေါ်မှ စစ်ကောင်စီတပ်သားများ ကင်းပုန်းလာဝပ်စဥ် မုံရွာခရိုင် အမှတ် (၁၅) တပ်ရင်း၊ မဟာမိတ်ပူးပေါင်း တပ်ဖွဲ့များနှင့် ၂ ကြိမ် ပစ်ခတ်မှု ဖြစ်ပွားခဲ့ရာ ၂ဦးသေဆုံးကာ ၁ဦး လက်ဖြတ်ရ၍ ၃ဦး ဆေးကုသနေကြောင်း မုံရွာခရိုင် အမှတ် (၁၅) တပ်ရင်းက သတင်းထုတ်ပြန်ထားသည်။
ထို့အပြင် နိုဝင်ဘာ ၁၇ရက်က ချောင်းဦးမြို့ပေါ်မှ စစ်ကောင်စီတပ်သားများ ကင်းပုန်းလာဝပ်စဥ် မုံရွာခရိုင်အမှတ် (၁၅)တပ်ရင်း၊ မဟာမိတ်ပူးပေါင်း တပ်ဖွဲ့များနှင့် နှစ်ကြိမ် ပစ်ခတ်မှုဖြစ်ပွားခဲ့ရာ နှစ်ဦးသေဆုံးပြီး လေးဦးဒဏ်ရာရရှိကြောင်း မုံရွာခရိုင်အမှတ်(၁၅)တပ်ရင်းက ထုတ်ပြန်ထားသည်။
