Bütün ermənilərin katolikosu II Qaregin Nikol Paşinyan hökumətini kilsə əleyhinə siyasətdə ittiham edib və bunu dövlətçiliyə təhlükə adlandırıb.
Gununsesi.info xəbər verir ki, bu barədə kilsənin bəyanatında deyilir.
“Müstəqil dövlətçiliyimizə, xalqımızın birliyinə ciddi təhlükə yaradan bu anti-kilsə kampaniyası ölkəmizin və erməni kilsəsinin yaxşı adına zərbə vurur. Hakimiyyət nə qədər antikilsə addımlarını ayrı-ayrı ruhanilərə qarşı yönəlmiş hərəkətlər kimi təqdim etməyə çalışsa da, onların sistemli olduğu və kilsənin özünə qarşı yönəldiyi açıq-aydın görünür. Bu çətin dövrlərdə ruhanilərimiz təkcə pastorluq missiyasını yerinə yetirməyə deyil, həm də təəssüf ki, kilsə əleyhinə hücumlara müqavimət göstərməyə çağırılır. Bununla belə, biz Müqəddəs Yazılarda deyilənlərə uyğun olaraq imanımızda güclü qalırıq”, – deyə bəyanatda bildirilir.
