Katolik Kilsəsinin 133 kardinalı Sikstin kapellasına daxil olaraq katoliklərə yeni ruhani lider seçmək üçün xarici dünya ilə bütün əlaqələrini kəsdilər.
Gununsesi.info xarici mediaya istinadən xəbər verir ki, Katolik Kilsəsinin yeni ruhani liderinin müəyyən edilməsi üçün səsvermənin ikinci günü bu gün səhər seçkilərin birinci turunun dünən keçirilən və heç bir nəticə verməməsindən sonra başlayıb.
Papa və Vatikan prezidenti Papa Fransiskin aprelin 21-də vəfat etməsindən sonra dünya üzrə 1,4 milyard üzvü olan Katolik Kilsəsinin 267-ci Papasını təyin etmək üçün keçirilən seçki prosesi ikinci gününə qədəm qoyub.
Katolik kilsəsinin yaşı 80-dən aşağı olan 133 kardinalı yerli vaxtla 09.15-də (Türkiyə vaxtı ilə 10.15) Sikstin kapellasına daxil olaraq seçki üçün xarici dünya ilə bütün əlaqələrini kəsiblər.
Kardinallar bu gün ikisi səhər və ikisi günorta olmaqla, Papa seçilənə qədər cəmi dörd səs verəcək.
Səsvermə turlarının birində yeni papa seçilərsə, Sikstin kapellasının bacasından ağ tüstü qalxacaq və bir saat ərzində yeni papa Müqəddəs Pyotr Bazilikasının möhtəşəm qutusundan dünyaya təqdim ediləcək.
Papa seçilməsə, dünən olduğu kimi kilsənin bacasından qara tüstü qalxacaq. Papa seçilməsə, bu gün iki tüstü siqnalının veriləcəyi gözlənilir.
Orxan
