Gürcüstanda müxalifətin inqilabi ssenarilər hazırlamaq üçün resursları yoxdur.
Gununsesi.info xəbər verir ki, bunu respublikanın baş naziri İrakli Kobaxidze deyib.
“Bu il hamı açıq şəkildə gördü ki, dövlət və hüquq-mühafizə orqanları öz yerində dayanıb və müxalifət nə qədər inqilabi proseslərə başlamağa, parlament binasına basqın etməyə və sairə cəhd etsə də, heç nəyə nail olmayacaq”, – deyə Kobaxidze qeyd edib.
Onun sözlərinə görə, Gürcüstan müxalifəti və onun tərəfdaşlarının müvafiq hesablaması uğursuzluğa məhkumdur. Kobaxidzeəlavə edib ki, dövlət milli maraqları sona qədər müdafiə etməyə hazırdır.
Oktyabrın 1-də Tbilisi meri Kaxa Kaladze Gürcüstan müxalifətinin parlament seçkilərindən sonra ölkədə iğtişaşlar təşkil etməyə hazırlaşdığını açıqlayıb.
O, müxalifət partiyalarının səsvermənin nəticələrini tanımaq niyyətində olmadığına aydınlıq gətirib.
Gununsesi.info
