မတ်-၁၀၊၂၀၂၆။ မေရီ/People’s Spring
မန္တလေးမြို့၊ မဟာအောင်မြေကျောက်မျက်စျေးက ဆိုင်ခန်းတွေ ဒီကနေ့ညဦးပိုင်းက မီးလောင်ကျွမ်းမှု ဖြစ်ပွားခဲ့ပါတယ်။
ဒီကနေ့ မတ်လ ၁၀ ရက် ညနေ ၆နာရီခွဲခန့်က မဟာအောင်မြေမြို့နယ်၊ လမ်း ၄ဝနဲ့ ၄၁ လမ်းကြား၊ ၈၇လမ်းမှာရှိတဲ့ မဟာအောင်မြေ ကျောက်မျက်ရတနာစျေးမှာ မီးလောင်ကျွမ်းမှုဖြစ်ပွားခဲ့တာဖြစ်ကြောင်း ဒေသခံတွေက ပြောပါတယ်။
“ ကျောက်ဝိုင်းအရှေ့ဘက်ခြမ်းက ဆိုင်ခန်းတွေလောင်တာ” လို့ ဒေသခံတစ်ဦးက ပြောပါတယ်။
Public Service Announcement
ည ၇နာရီကျော်မှာတော့ မီးထိန်းနိုင်ခဲ့ပေမဲ့ ဆက်လက်ငြှိမ်းသတ်နေရဆဲဖြစ်ကြောင်း သိရပါတယ်။ လက်တလော မီးလောင်ဆုံးရှုံးတဲ့ ဆိုင်ခန်းအရေအတွက် မသိရသေးပါဘူး။
မနေ့ညကလည်း မန္တလေးမြို့၊ ပြည်ကြီးတံခွန်မြို့နယ်၊ တံခွန်တိုင်ရပ်ကွက်၊ ဈေးတန်းရပ်မှာ မီးလောင်ကျွမ်းမှုဖြစ်ပွားပြီး နေအိမ် ၆ လုံး မီးလောင်ပျက်စီးခဲ့ပါတယ်။
