မတ်-၁၀ ၊၂၀၂၆။ဇော်ဝင်း/Peoples Spring
မကွေးတိုင်း၊ထီးလင်းမြို့နယ်အတွင်းစစ်တပ်ကဒီနေ့ မွန်းလွဲပိုင်းမှာလေကြောင်းကနေ ဗုံးကြဲတာကြောင့် ဒေသခံနှစ်ဦသေဆုံးခဲ့တယ်လို့ဒေသခံတွေကပြောပါတယ်။
မတ်လ ၁၀ ရက်နေ့လယ် ၁ နာရီခွဲဝန်းကျင်က ထီးလင်းမြို့နယ်အရှေ့ခြမ်းရေမျက်နီကျေးရွာ နဲ့ ၁၀ မိုင်ခန့်အကွာက ကျေးရွာကို စစ်တပ်က တိုက်လေယာဥ်နဲ့ လေကြောင်းကနေဗုံးကြဲခဲ့တာပါ။
ဗုံးကြဲခံရတာကြောင့် အသက် ၂၅ နှစ်အရွယ် အမျိုးသားတစ်ဦးက ခေါင်းပြတ်ပြီး အသက် ၂၂ အရွယ်အမျိုးသမီးက ဦးခေါင်းထိမှန်ပြီး သေဆုံးသွားရတယ်လို့ သိရပါတယ်။
Public Service Announcement
“ ဘာတိုက်ပွဲမှမရှိဘူး။ဗုံးက ရွာတောင်ပိုင်းကို ကျတာ။ပေါင် ၂၀၀ ဗုံး လောက်ဖြစ်မယ်” လို့ ထီးလင်းဒေသခံတစ်ဦးက ပြောပါတယ်။
သေဆုံးသူတွေဟာအိမ်ထောင်ရှင်တွေ ဖြစ်ပြီး တစ်နှစ်အရွယ်ကလေးငယ် နဲ့ ကိုယ်ဝန်ဆောင်သည်ဇနီးတွေကျန်ရစ်ခဲ့တယ်လို့လည်းသိရပါတယ်။
ပြီးခဲ့တဲ့လ ၅ ရက်နေ့က ထီးလင်းမြို့နယ်နဲ့ထိစပ်နေတဲ့ ဆောမြို့နယ် မိအယ်ကျေးရွာကိုစစ်တပ်က လေကြောင်းကနေဗုံးကြဲကြောင့် အရပ်သား ၅ ဦး သေဆုံးခဲ့ပါသေးတယ်။
ဒါ့အပြင် ဒီကနေ့မနက်ပိုင်းမှာလည်း တနသာ်ရီ နဲ့ ကရင်နီပြည်နယ်တို့မှာလည်း စစ်တပ်ကလေကြောင်းကနေ ဗုံးကြဲလို့ အရပ်သားငါးဦးထက်မနည်းသေဆုံးထိခိုက်ခဲ့ပါတယ်။
