မတ်-၁၀၊၂၀၂၆။တေဇ/People’s Spring
မန္တလေးတိုင်း၊ မိတ္ထီလာမြို့မှာ လျှပ်စစ်ဝါယာရှော့ဖြစ်ရာကနေ မီးစတင်လောင်ခဲ့ပြီး နေအိမ် ခြောက်လုံး မီးလောင်ဆုံးရှူံးခဲ့တယ်လို့ ဒေသခံတွေက ပြောပါတယ်။
ဒီနေ့ (မတ်၁၀) နေ့လည် ၁နာရီလောက်မှာ မိတ္ထီလာမြို့ ရန်မျိုးအောင်ရပ်ကွက် အောင်ချမ်းသာ (၂)လမ်းမှာ မီးလောင်မှုဖြစ်ခဲ့တာဖြစ်ပြီး နာရီဝက်ခန့်ကြာ ငြှိမ်းသတ်ခဲ့ရတယ်လို့ မီးသတ်တပ်ဖွဲ့က ထုတ်ပြန်ထားပါတယ်။
မီးစတင်လောင်တဲ့ အိမ်အပေါ်ထပ်မှာ အားသွင်းခုံ အပူလွန်ကဲပြီး ဝါယာရှော့ဖြစ်တာလို့ ဒေသခံတွေက ဆိုပါတယ်။
Public Service Announcement
“ အိမ်ခြေ ၆ အိမ်ပါသွား၊လူဦးရေ ၃၈ ယောက်အား အလကတွဲဘက်(၁)ကျောင်းဝန်းအတွင်းယာယီနေထိုင်လျှက်ရှိပြီးယနေ့ ညစာအတွက်စီစဥ်ထားပြီး စောင်ခြင်ထောင်ခေါင်းအုံးနှင့်စားသောက်ကုန်များလှူဒါန်းနိူင်ပါသည်။” လို့ မင်းမင်း အမည်နဲ့ ဖေ့စ်ဘွတ်အသုံးပြုသူက မီးဘေးသင့်ပြည်သူတွေအတွက် အကူအညီတောင်းခံထားပါတယ်။
မန္တလေးမြို့ ပြည်ကြီးတံခွန်မြို့နယ်မှာလည်း မတ်လ ၉ရက်ညက ဖယောင်းတိုင်မီးကတဆင့် မီးလောင်မှုဖြစ်ခဲ့ရာ နေအိမ်ခြောက်လုံးမီးလောင်ဆုံးရှုံးခဲ့ပါတယ်။
