ဇန်နဝါရီ-၂၀၊၂၀၂၆။အိမ်သွင်/People’s Spring
မွန်ပြည်နယ်၊ ရေးမြို့နယ်အခြေစိုက် အမှတ်(၅၈၈)ခြေမြန်တပ်ရင်း(ခမရ-၅၈၈)က စစ်မှုထမ်းသစ်တန်းဆင်းသုံးဦး သေနတ်တွေယူပြီး ပြည်သူ့ကာကွယ်ရေးတပ်ဖွဲ့ထံ ထပ်မံအလင်းဝင်လာပါတယ်။
ရေးမြို့နယ် မော့ကနင်ရွာမှာ အခြေစိုက်တဲ့ ခမရ(၅၈၈)တပ်ရင်းက စစ်မှုထမ်းသင်တန်းဆင်းသုံးဦးဟာ ပြည်သူ့ကာကွယ်ရေးတပ်မတော်၊ အထူးတိုင်းစစ်ဌာန ၊ နည်းဗျူဟာ(၃၃)၊ ရေးပြောက်ကျားတပ် (YGF) အမှတ် (၈၀၀၁) တပ်ရင်းကို အလင်းဝင်လာတာဖြစ်ပါတယ်။
စစ်မှုထမ်းအပတ်စဥ်(၁၆)သင်တန်းဆင်းတွေ လက်နက်ခဲယမ်းတွေနဲ့ အလင်းဝင်လာတာဖြစ်တယ်လို့ ရေးပြောက်ကျားတပ်(YGF)တပ်ရင်းမှူး ရဲဘော်ဗိုလ်ကျန်ရစ်က ပြောထားပါတယ်။
Public Service Announcement
ဇန်နဝါရီလ ၁၅ ရက်ကလည်း ရေးမြို့နယ်ကျောင်းရွာစံပြကျေးရွာမှာ အခြေစိုက်တဲ့ ခမရ(၅၉၁)တပ်ရသင်းက စစ်မှုထမ်းသစ်တန်းဆင်းသုံးဦးဟာ YGFထံ အလင်းဝင်ခဲ့ပါတယ်။
၂၀၂၁ စစ်တပ်အာဏာသိမ်းပြီးနောက်ပိုင်း လူထုခုခံစစ်မှု သေဆုံးမှုတွေများပြီး အင်အားနည်းလာတဲ့
စစ်ကောင်စီဟာ စစ်မှုထမ်းဥပဒေကိုပြဌာန်းပြီး အသက်(၁၈)နှစ်ကနေ (၃၅)နှစ်ကြားအမျိုးသားတွေကို စစ်သားစုဆောင်းနေပါတယ်။အခုဆိုရင် စစ်မှုထမ်းသင်တန်းအပတ်စဉ်(၂၁)ကို ရောက်နေပါပြီဖြစ်ပါတယ်။
