■ပြစ်ဒဏ်ကျူးလွန်သူ၊ စေခိုင်းသူ၊ ပါဝင်ပတ်သက်သူ များအားပြင်းထန်စွာလက်တုံ့ပြန်သွားမည်ဟုသတိပေး
စက်တင်ဘာ-၁၂၊၂၀၂၅။ဇော်ရမ်း/People’s Spring
ရခိုင်ပြည်နယ်၊ ကျောက်တော်မြို့နယ် ၊သရက်တပင်ကျေးရွာရှိ “ပညာပန်းခင်း” နှင့် “အမြင်သစ်” ကိုယ်ပိုင် အထက်တန်းစာသင်ကျောင်းများကိုစစ်ကောင်စီကစက်တင်ဘာ ၁၂ရက်နံနက်အစောပိုင်းကဗုံးကြဲတိုက်ခိုက်မှုအတွင်းသေဆုံး ၊ဒဏ်ရာရခဲ့သော ကျောင်းသား၊ကျောင်းသူများ၏ အမည်၊ဓါတ်ပုံ နှင့် အချက်အလက်အသေးစိပ်ကို ၊ရက္ခိုင်အမျိုးသားအဖွဲ့ချုပ်(ULA)၊အာရက္ခတပ်တော် (AA)ကထုတ်ပြန်လိုက်သည်။
စစ်တပ်ဗုံးကြဲမှူတွင်သေဆုံး ၊ဒဏ်ရာရခဲ့သောကျောင်းသားကျောင်းသူများနှင့် ဒေသခံပြည်သူများ။ဓါတ်ပုံ-AA Info desk 
စစ်တပ်ဗုံးကြဲမှူတွင်သေဆုံး ၊ဒဏ်ရာရခဲ့သောကျောင်းသားကျောင်းသူများနှင့် ဒေသခံပြည်သူများ။ဓါတ်ပုံ-AA Info desk 
စစ်တပ်ဗုံးကြဲမှူတွင်သေဆုံး ၊ဒဏ်ရာရခဲ့သောကျောင်းသားကျောင်းသူများနှင့် ဒေသခံပြည်သူများ။ဓါတ်ပုံ-AA Info desk
လတ်တလောအထိသေဆုံးခဲ့သောကျောင်းသား၊ကျောင်းသူ ၁၉ ဦးရှိပြီး အသက် အငယ်ဆုံး ၁၅ နှစ်မှ အသက်အကြီး ဆုံး ၂၁ နှစ်အထိပါဝင်သည်။ အသက် ၁၆ နှစ်နှင့် အသက် ၁၇ နှစ်အရွယ်ကျောင်းသားအများဆုံးဖြစ်ပြီး Grade-8 မှ Grade-12 တို့တွင်ပညာသင်ယူနေကြသော ကျောင်းသား ကျောင်းသူများဖြစ်သည်။ သေဆုံးသူ ၁၉ ဦးတွင် ကျောင်းသူ ၂ ဦးပါဝင်ပြီး ၁၇ ဦးမှာကျောင်းသားများဖြစ်သည်။
Public Service Announcement
ဒဏ်ရာရရှိသောကျောင်းသား ၊ကျောင်းသူ နှင့် ဒေသခံ ၂၂ ဦးရှိသည်။သေဆုံးဒဏ်ရာရသူများ၏ အမည် ၊အသက် ၊အတန်း ၊မိဘ ၊နေရပ် စသောအချက်အလက်အသေးစိပ်ကိုဖော်ပြထားသည်။
စစ်တပ်က သရက်တပင်ကျေးရွာရှိ “ပညာပန်းခင်း” နှင့် “အမြင်သစ်” ကိုယ်ပိုင် အထက်တန်းစာသင်ကျောင်းများအား ဂျက်ဖိုက်တာဖြင့် ပေါင် ၅၀၀ ဗုံး ၂ လုံးကြဲခဲ့ခြင်းဖြစ်ပြီး ပညာပန်းခင်းပုဂ္ဂလိကကျောင်းရှေ့ကျရောက်ခဲ့ခြင်းဖြစ်ကြောင်းဖော်ပြထားသည်။
စစ်တပ်ဝါဒဖြန့် တယ်လီဂရန်ချန်နယ်များက ဗုံးကြဲခံရ၍သေဆုံးသူများမှာကျောင်းသား၊ကျောင်းသူများမဟုတ်ဘဲ စစ်သင်တန်းတက်နေသူများဟု သတင်းအမှားဖြန့်ဝေနေကြသည်ကိုတွေ့ရသည်။
စစ်အုပ်စုက ရခိုင်ပြည်နယ်တွင် ၂၀၂၅ ခုနှစ်အတွင်း ယခုဖြစ်ရပ်မပါ အစုလိုက်အပြုံလိုက်ဗုံးကြဲသတ်ဖြတ်မှု အနည်းဆုံး ၅ ကြိမ်ပြုလုပ်ခဲ့ပြီး ၈၉ ဦးသေဆုံးကာ ၉၁ ဦးသေဆုံးခဲ့သည်။အဆိုပါဗုံးကြဲမှုများတွင် မြောက်ဦးမြို့နယ်တွင်စစ်သုံ့ပန်းနှင့် ယင်းတို့၏မိသားစုများထားသောနေရာကိုဗုံးကြဲသဖြင့် စစ်သုံ့ပန်း နှင့်မိသားစုဝင် ၂၈ ဦးသေဆုံးပြီး ၂၅ဦးဒဏ်ရာရခဲ့သည်။
စစ်အုပ်စုက နေ့စဥ်ရက်ဆက် ကျူးလွန်နေသောစစ်ရာဝဝတ်မှုများ ၊လူသားမျိုးနွှယ်အပေါ် ပြစ်မှုကျူးလွန်နေမှုများကို နိုင်ငံတကာမှ လက်ပိုက်ကြည့်မနေဘဲ ထိရောက်အားပါသောအရေးယူမှု များလုပ်ဆောင်ရန် အထူးလိုအပ်ကြောင်းလည်းတိုက်တွန်းထားသည်။
ထိုအပြင် စစ်ကော်မရှင်က အာရက္ခမျိုးဆက်များအပေါ် စစ်ရာဇဝတ်မှုကျူးလွန်မှုအချက်အလက်များကို ULA/AA အနေဖြင့်သက်ဆိုင်ရာနိုင်ငံတကာအဖွဲ့အစည်းများသို့ပေးပို့မည်ဟုဖော်ပြသည်။
တရားမျှတမှုချစ်မြတ်နိုးသောလုပုဂ္ဂိုလ်၊အဖွဲ့အစည်းများနှင့် ပူးပေါင်းကာတရားမျှတမှုရရှိသည်အထိဆောင်ရွက်မည့်အပြင် ပြစ်ဒဏ်ကျူးလွန်သူ ၊စေခိုင်းသူ ၊ပါဝင်ပတ်သက်သူ များအားပြင်းထန်စွာလက်တုံ့ပြန်သွားမည်ဟုသတိပေးထားသည်။
