ဩဂုတ်-၁၅၊ ၂၀၂၅။ ထားမြတ်/People’s Spring
တအာင်းတပ်မတော်(TNLA)သိမ်းပိုက်ထားသည့် မိုးကုတ်မြို့အားစစ်ကောင် စီက ဂျက်ဖိုက်တာဖြင့် ဗုံးကြဲတိုက်ခိုက်ရာ ပြည်သူ ၈ဦးသေဆုံးပြီး ၇ဦး ဒဏ်ရာရခဲ့ကြောင်း TNLAက ယနေ့ ဩဂုတ် ၁၅ရက်တွင် သတင်းထုတ်ပြန်သည်။
ယမန်နေ့ည ၈နာရီခွဲကမိုးကုတ်မြိုအရှေ့ပိုင်း၊ရွှေကူရပ်ကွက်ရှိ လင်းရောင် ခြည်ဘုန်းကြီးကျောင်းအား ပေါင် ၅၀၀ ဗုံးကြဲချ တိုက်ခိုက်ခဲ့ခြင်းဖြစ်ပြီး နေအိမ်များလည်း ပျက်စီးခဲ့ရဟု အသိပေးသည်။
ယမန်နေ့ညကမိုးကုတ်မြို့လေကြောင်းတိုက်ခိုက်ခံရ၍ သေဆုံးသူများ၏ ရုပ်အလောင်းမှတ်တမ်းဓာတ်ပုံကိုဖော်ပြရာ ကလေးငယ်အချို့ လည်း လေကြောင်းတိုက်ခိုက်ခံရ၍ သေဆုံးခဲ့သည်ကို တွေ့ရသည်။
Public Service Announcement
မိုးကုတ်မြိုအရှေ့ပိုင်း၊ ရွှေကူရပ်ကွက်ရှိ လင်းရောင်ခြည်ဘုန်းကြီး ကျောင်း အား လေကြောင်းတိုက်ခိုက်မှုကြောင့် ပျက်စီးမှုများ။ ဓာတ်ပုံ – TNLA ၊ CJ 
မိုးကုတ်မြိုအရှေ့ပိုင်း၊ ရွှေကူရပ်ကွက်ရှိ လင်းရောင်ခြည်ဘုန်းကြီး ကျောင်း အား လေကြောင်းတိုက်ခိုက်မှုကြောင့် ပျက်စီးမှုများ။ ဓာတ်ပုံ – TNLA ၊ CJ 
မိုးကုတ်မြိုအရှေ့ပိုင်း၊ ရွှေကူရပ်ကွက်ရှိ လင်းရောင်ခြည်ဘုန်းကြီး ကျောင်း အား လေကြောင်းတိုက်ခိုက်မှုကြောင့် ပျက်စီးမှုများ။ ဓာတ်ပုံ – TNLA ၊ CJ 
မိုးကုတ်မြိုအရှေ့ပိုင်း၊ ရွှေကူရပ်ကွက်ရှိ လင်းရောင်ခြည်ဘုန်းကြီး ကျောင်း အား လေကြောင်းတိုက်ခိုက်မှုကြောင့် ပျက်စီးမှုများ။ ဓာတ်ပုံ – TNLA ၊ CJ
စစ်ကောင်စီသည်သြဂုတ်၉ရက်ကလည်းမိုးကုတ်မြို့အရှေ့ပိုင်းရှိ ကျောက်နဂါး ဘုန်းကြီးကျောင်း လေကြောင်းတိုက်ခိုက်ခဲ့ရာ ကိုရင် တစ်ပါးအပါအဝင် ငါးဦးသေဆုံးကာ နှစ်ဦး ဒဏ်ရာရရှိခဲ့သည်။
စစ်ကောင်စီသည်TNLA သိမ်းပိုက်ထားသည့် မြို့ရွာများအား လေကြောင်းစစ်ဆင်ရေးများ ဆက်တိုက်ပြုလုပ်လျက်ရှိသည်။
ယခုဩဂုတ်အတွင်း TNLAနယ်မြေဖြစ်သော မိုးကုတ် ၊ ကျောက်မဲ၊ သီပေါမြို့များအားလေကြောင်းတိုက်ခိုက်ခဲ့၍ကလေးငယ်နှင့်သံဃာများအပါ အဝင် ပြည်သူ သေဆုံးထိခိုက်မှုများစွာရှိခဲ့သည်။
မိုးကုတ်မြို့တွင် (၂)ကြိမ်၊ ကျောက်မဲမြို့နယ်တွင် (၁)ကြိမ်၊ သီပေါမြို့တွင် (၂)ကြိမ်ဖြင့် ဗုံးများကြဲချခဲ့ရာ ကလေး သုံးဦး၊ သံဃာတော် နှစ်ပါး၊ အမျိုးသမီးတစ်ဦးနှင့် အမျိုးသား ၁၁ဦး စုစုပေါင်း ၁၇ ဦးသေဆုံးကာ သံဃာတော် တစ်ပါး၊ အမျိုးသမီး ငါးဦးနှင့် အမျိုးသား ၁၄ဦး စုစုပေါင်း ၂၀ဦး ဒဏ်ရာရရှိခဲ့ကြောင်း TNLAက ထုတ်ပြန်သည်။
ထို့ပြင် နေအိမ် (၂၆)အိမ်၊ စာသင်ကျောင်း တစ်ကျောင်း၊ ကား လေးစီး၊ ဆိုင်ကယ် သုံးစီးလည်း ထိမှန်ပျက်စီးခဲ့ဟု အသိပေးသည်။
ပြည်သူများအနေဖြင့် စစ်ကောင်စီ၏ ဗုံးကြဲတိုက်ခိုက်မှုများ ရှောင်ရှားနိုင်ရန် စစ်ရေးသတိအမြဲ ရှိရန်လိုအပ်ပြီး လေကြောင်းရန်မှကာကွယ်နိုင်ရန် လေကြောင်းရန်ကာကွယ် ရေးဆိုင်ရာနည်းလမ်းများ လိုက်နာဆောင်ရွက်ရန်လိုအပ်ကြောင်း TNLAက နှိုးဆော်ထားသည်။
