ဩဂုတ်-၁၀၊ ၂၀၂၅။ ထားမြတ်/People’s Spring
ကရင်အမျိုးသားအစည်းအရုံး(KNU) မြိတ်-ထားဝယ်ခရိုင် တပ်မဟာ(၄) ပူးပေါင်းတပ်က စစ်ကောင်စီတပ်၏ ထောက်ပို့ယာဉ်တန်းအား ကြားဖြတ်တိုက်ခိုက်ခဲ့ရာ စစ်ကောင်စီတပ်ဖွဲဝင် သေဆုံးထိခိုက်ရှိခဲ့ဟု KNU မြိတ်-ထားဝယ်ခရိုင်က ယနေ့(ဩဂုတ်၁၀ရက်) သတင်းထုတ်ပြန်သည်။
ဩဂုတ် ၉ရက်က တနင်္သာရီ မြိုနယ်၊ သိန်ခွန်းရွာနှင့် ချောင်းနှစ်ပေါက်ကျေးရွာအကြားတွင် စစ်ကောင်စီတပ်ယာဉ်တန်းကို တိုက်ခိုက်ခဲ့ဟု ဆိုသည်။
အဆိုပါ တိုက်ခိုက်မှုအတွင်း စစ်တပ်ဘက်က ထောက်ပို့ယာဉ်(၂)စီး ပျက်စီးခဲ့ပြီး စစ်ကောင်စစ်တပ်သား (၅)ဦးသေဆုံးကာ (၁၀) ဦးထက်မနည်း ဒဏ်ရာရခဲ့ကြောင်း ထုတ်ပြန်သည်။
Public Service Announcement
ထို့အပြင် တိမ်းမှောက်ပျက်စီးသွားသော စစ်ကောင်စီယာဉ်အတွင်းမှ ပျက်စီးနေသော ကာမီကာဇေ အသေခံဒရုန်း(၂)စီး အပါဝင်အဝင် လက်နက်ငယ်အချို တွေ့ရှိခဲ့ကြောင်း အသိပေးသည်။ အဆိုပါ ပစ္စည်းများသိမ်းပိုက်နိုင်ခြင်းမရှိသေးဟု သတင်းရင်းမြစ်တဦးက ပြောသည်။
စစ်ကောင်စီထောက်ပို့ယာဉ်တန်းကို မိုင်းဆွဲတိုက်ခိုက်ခဲ့ခြင်းဖြစ်ကြောင်း KNLA တပ်မဟာ(၄)သတင်းရင်းမြစ်က ပြောသည်။
“ စကစ ရှေ့တိုးနိုင်သလားဆို အခုထိ သိန်ခွန်းအနီးတ၀ိုက်မှာပဲ။ ဆက်တိုးဖို့လည်း မရဘူးပေါ့နော်။ မြေပြင်သတင်းအရတော့ ထောက်ပို့ကား သုံးစီးမှာ ၂စီးက တိမ်းမှောက်သွားတယ်။ ဒါပေမဲ့ လုံခြုံရေးယူထားတဲ့ စကစ လူအင်အားများတော့ မိုင်းခွဲတိုက်ခိုက်ပြီးတော့ အခုထိနယ်မြေရှင်းလင်းနေတုန်း” ဟု ၎င်းက ပြောသည်။
တိုက်ပွဲ ပိုမိုပြင်းထန်လာသည့် အခြေအနေရှိနေပြီး ယနေ့ ဩဂုတ် ၁၀ရက်တွင်လည်း တိုက်ပွဲဆက်ဖြစ်နေသည်ဟု ပြောသည်။
စစ်ကောင်စီတပ်သည် တနင်္သာရီ-မောတောင် လမ်းပိုင်း၊ မောတောင်ဒေသ ကို ပြန်လည်ထိန်းချုပ်နိုင်ရေး ထိုးစစ်ဆင်နေ၍ KNLA တပ်ရင်း(၁၁)နှင့် တော်လှန်ရေးပူးပေါင်းတပ်ကခုခံတိုက်ခိုက်လျက်ရှိရာ တိုက်ပွဲ နှစ်ဝက်ကျော်ကြာပြီဖြစ်သည်။
KNU တပ်မဟာ(၄)နယ်မြေတွင် ပုလောမြိုနယ်တွင် တိုက်ပွဲဖြစ်ပွားလျက်ရှိသကဲ့သို မြန်မာ-ထိုင်းနယ်စပ် နတ်အိမ်တောင် စစ်ကောင်စီ စခန်းသို အင်အားဖြည့်ရန် ကြိုးပမ်းနေသည့် စစ်ကောင်စီ စစ်ကြောင်းကိုလည်း တော်လှန်ရေးပူးပေါင်းတပ်က တိုက်ခိုက်လျက်ရှိသည်။
