ရဲခေါင်/People’s Spring
စစ်ကောင်စီ လေကြောင်းတိုက်ခိုက်မှုကြောင့် ရှမ်းပြည်တောင်ပိုင်း၊ဖယ်ခုံမြို့နယ် ကာလကျေးရွာမှ စစ်ရှောင်ပြည်သူနှစ်ဦးသေဆုံးခဲ့ရကြောင်း ဒေသခံအချို့က ပြောသည်။
နိုဝင်ဘာ ၈ရက် ည ၁၁နာရီခွဲခန့်တွင် လေကြောင်းမှ ဗုံးကြဲတိုက်ခိုက်မှုအတွင်း အဆောက်အဦးနှင့် ယာဥ်အချို့ပါ ပျက်စီးခဲ့ရသည်ဟု ဆိုသည်။
“အဲဒီရွာမှာ တိုက်ပွဲမရှိဘဲနဲ့ လာကြဲသွားတာ။ဆီဆိုင်ဘက် နောင်သိမ်ရွာက အသက် ၄၀ဝန်းကျင် အမျိုးသားနဲ့အမျိုးသမီးစစ်ရှောင် နှစ်ဦးဆုံးသွားတယ်”ဟု ဖြစ်စဥ်ကိုသိရှိသည့် စစ်ရှောင်ကူညီပေးနေသူတစ်ဦးက ပြောသည်။
Public Service Announcement
ယမန်နေ့ ညနေပိုင်းကလည်း လွိုင်ကော်မြို့နယ်၊နိုးကိုးကျေးရွာတွင် စစ်ကောင်စီ၏ လက်နက်ကြီးကျည်ထိမှန်၍ (၁၀)နှစ်အရွယ် ကလေးငယ်အပါအဝင် ပြည်သူလေးဦးသေဆုံးခဲ့ရသည်။
စစ်တပ်အာဏာသိမ်းပြီးချိန်ကစ၍ ၂၀၂၄ အောက်တိုဘာလကုန်အထိ ဖယ်ခုံနှင့် မိုးဗြဲမြို့နယ်အပါအဝင် ကရင်နီပြည်နယ်ကို စစ်ကောင်စီက လေကြောင်းတိုက်ခိုက်မှုအကြိမ်ရေ ၁,၇၀၀ကျော်သည်အထိ ပြုလုပ်ခဲ့ကြောင်း တိုးတက်သော ကရင်နီပြည်သူ့အင်အားစုက အသိပေးသည်။
ထို့အပြင် သတ်ဖြတ်ခံရသောအရပ်သားပြည်သူ နှင့် စစ်ရှောင်စဥ် သေဆုံးသည့် ပြည်သူ ၆၈၄ ဦးအထိရှိသည်။
