Milli Məclisin üzvü Zahid Oruc Azərbaycanı ABŞ Konqresinin sanksiyalarından qorumaqdan ötrü “çıxış yolu”nu tapıb.
Gununsesi.info-nun xəbərinə görə, parlamentin plenar iclasında çıxış edən deputat Ermənistanın baş naziri Paşinyanı Bakıya dəvət etməyi təklif edib: “Hesab edirəm ki, biz bunu etməklə siyasi düşmənlərimizin və sanksiyaçıların Azərbaycana yolunu birdəfəlik bağlamış olarıq”.
Zahid Oruc deyib ki, ABŞ Konqresində sanksiyalar ideyası 1992-ci ildə 907-ci düzəlişə təşəbbüs göstərən qruplardan gəlir.
Qeyd edək ki, Konqresin bir qrup üzvü Azərbaycanın yüksək vəzifəli şəxslərinə sanksiya tətbiq edilməsi təşəbbüsü ilə çıxış edib.
Bu siyahıda 40-dan artıq yüksək vəzifəli məmurlar var.
Günay
Gununsesi.info
