“Ukrayna-Rusiya müharibəsi rusları birləşdirib. İnsanlar sanksiyalara uyğunlaşıb, hətta baş verənlərdən faydalanmağı da öyrəniblər”.
Gununsesi.info xəbər verir ki, bu barədə Bloomberg yazır.
Bildirilir ki, ruslar Vladimir Putinin şərtləri altında yaşamağı artıq öyrəniblər. Putin müharibəni bitirmək üçün çox az ictimai təzyiqlə üzləşir. Hökumətin millətçi çağırışları müharibəyə dəstəyi artırır, sərt repressiya siyasəti isə etirazları yatırır.
Nəşr qeyd edir ki, genişmiqyaslı müharibə Rusiya Federasiyasında həyatın bütün sahələrini əhatə edib. Kreml öz təbliğatında müasir rus işğalçıları ilə İkinci Dünya Müharibəsi zamanı faşizmə qarşı vuruşan sovet ordusu arasında analoji aparır.
6 ay Ukraynaya qarşı döyüşən, apreldə Rusiya ordusu ilə yeni müqavilə imzalayan 41 yaşlı Yekaterinburqlu Platon Mamatovla jurnalistlərə açıqlamasında bildirib ki, artıq hamı başa düşdü ki, bu müharibədir və bu hamıya aiddir:
“Hər gün sərhəd bölgələri atəşə tutulur, Rusiya daxilində fabriklər yandırılır, pilotsuz təyyarələr uçur, dəfn mərasimləri və əlillər cəbhədən qayıdır”, – deyə Mamatovla vurğulayıb.
Eyni zamanda, Rusiya milli sərvət ehtiyat fondunun pulunu müharibəyə artan hökumət xərclərini ödəmək üçün istifadə edir. İnflyasiya isə mərkəzi bankın 4% hədəfindən təxminən iki dəfə çoxdur. Rusiya Bankı əsas faiz dərəcəsini 16%-ə qaldırb və hökumət rubla təzyiqi azaltmaq üçün kapitala nəzarət edir.
“Levada Center” müstəqil sorğu şirkətinin rəhbəri Denis Volkovun sözlərinə görə, sorğular Putinə ictimai dəstəyin yüksək olaraq qaldığını göstərir. 87% onun rəhbərliyini, 76% isə Ukraynadakı Rusiya ordusunu dəstəkləyir. Putinin 2022-ci ilin sentyabrında 300 000 ehtiyat əsgəri səfərbər etmək əmri 30 illik müşahidələr zamanı ictimai narahatlığın ən kəskin artmasına səbəb olan “güclü şok” olsa da, Kreml prosesin təkrarlanmayacağına əmin olduqdan sonra vəziyyət yenidən yaxşılaşıb.
Strateji və Beynəlxalq Araşdırmalar Mərkəzindən Mariya Sneqova bildirib ki, sadə ruslar arasında sülh danışıqlarına dəstək yalnız ordu Ukraynada uğursuzluqlar yaşadıqda yüksəlir. Danışıqları dəstəkləsələr də, çoxları hazırda Rusiya ordusunun işğal etdiyi ərazilərin qorunub saxlanmasında israrlıdır.
Qeyd edək ki bir neçə günə Putin and içəcək və daha 6 il prezident olacaq. Bu yaxınlarda beynəlxalq sanksiyaların təzyiqi və dərinləşən təcridin onları liderlərinə qarşı çevirəcəyi ilə bağlı qlobal gözləntiləri rədd edib və bir çox rusiyalının gündəlik həyatının bir hissəsinə çevrilib. Çoxları nəinki etiraz etmir, əksinə, hökümətin ətrafında toplaşır.
Məlumdur ki, inaqurasiyaya Avropa Birliyinə üzv olan 7 ölkə öz nümayəndələrini göndərəcək. Onların arasında səfirin təmsil edəcəyi Fransa da var. Eyni zamanda, Ukrayna Putini Rusiya Federasiyasının qanuni seçilmiş prezidenti kimi tanımayacaq. Rəsmi Kiyev digər ölkələri də bundan nümunə götürməyə çağırıb. Vaşinqton isə artıq bunu etməkdən imtina edib.
Şəbnəm
Gununsesi.info
