Rusiya ABŞ rəsmiləri ilə İstanbulda keçiriləcək görüşdə Xarici İşlər Nazirliyi xətti ilə təmsil olunacaq.
Gununsesi.info TASS agentliyinə istinadən xəbər verir ki, bu açıqlama ilə Kremlin sözçüsü Dmitri Peskov çıxış edib.
“Bizim tərəfimizdən bu, XİN xətti ilə olacaq. Buna uyğun olaraq, XİN-dəki həmkarlarımızdan məlumat gözləyin”, – deyə D.Peskov vurğulayıb.
Xatırladaq ki, Rusiyanın xarici işlər naziri Sergey Lavrov da Moskva və Vaşinqtonun ikitərəfli münasibətlərdə qıcıq doğuran amilləri aradan qaldırmaq və təmasları normallaşdırmaq üçün yeni görüş hazırladığını bildirib. Onun sözlərinə görə, artıq İstanbulda bir görüş olub, indi ikinci görüş hazırlanır.
