အောက်တိုဘာ-၂၄၊၂၀၂၅၊ရှိန်း/People’s Spring
အမျိုးသမီး၂၀ကျော်ကိုအုပ်စုဖွဲ့အဓမ္မပြုကျင့်ခိုင်းခဲ့တဲ့ ဗိုလ်မှူးကျော်မင်း အပါအဝင် စစ်သား၂၀ကျော်ဟာ မလှိုင်မြို့နယ်တိုက်ပွဲမှာ သေဆုံးခဲ့ပြီး ၅ဦးကို အရှင်ဖမ်းမိခဲ့တယ်လို့ မြင်းခြံခရိုင်တပ်ရင်း(၄) နဲ့ (၁၀) တပ်ရင်းမှူးကပြောပါတယ်။
တောင်သာမြို့နယ်၊ရုံးစည်ကြီးရွာက အသက် ၁၆ နှစ်အရွယ်ကနေ အသက် ၆၀ အရွယ်အထိ အမျိုးသမီး၇ဦးကို စက်တင်ဘာလ ၁၀ ရက်နေ့ကနေ ၁၆ ရက် နေ့အထိ စစ်ကောင်စီက ဖမ်းဆီး အဓမ္မပြုကျင့်ခဲ့တယ်လို့ သိရပါတယ်။ဒါအပြင် သံဘိုရွာမှာလည်းအမျိုးသမီးငယ်တချို့အဓမ္မပြုကျင့်ခံခဲ့ရသေးတယ်လို့ ဖမ်းဆီးရမိတဲ့ စစ်သုံ့ပန်းရဲ့ ထွက်ဆိုချက်အရသိရတယ်လို့ တပ်ရင်းမှူးက ပြောပါတယ်။
အဲဒီနောက် စစ်ကြောင်းဟာ မလှိုင်မြို့နယ်ဘက်ကို ထွက်ခဲ့ပြီး နောက် အိမ်ကြီး တောရွာကိုလည်း စစ်ကြောင်းထိုးကာ အသက် ၁၆နှစ်အရွယ် အမျိုးသမီးကို အုပ်စုဖွဲ့ အဓမ္မပြုကျင့်ခဲ့ကာ သတ်ဖြတ်ခဲ့တယ်လို့ သိရပါတယ်။
Public Service Announcement
“ ဗိုလ်မှူးကျော်မင်းဆိုတဲ့လူက မိန်းကလေးတွေကိုဖမ်းဆီးလာတယ်။ပြီးလို့ရင် သူ့တပ်ခွဲတခွဲလုံးကို အဓမ္မပြုကျင့်ခိုင်းတယ်။မလုပ်ချင်တဲ့သူဆိုရင်လည်း ခြိမ်းခြောက်ပြီးလုပ်ခိုင်းတယ်။နောက်ဆုံး သူတို့ဒီရွာက နေစစ်ကြောင်းထွက်တော့မယ်ဆိုရင် အဲဒီမိန်းကလေးတွေကိုလည်ပင်းဓားနဲ့လှီးပြီး သတ်ခိုင်းတာတွေလုပ် ဆောင်ခဲ့တယ်ဆိုပြီး တော့မှ ကျွန် တော်တို့ မိလာတဲ့ စစ်သုံ့ပန်းက တဆင့်ပြန်ပြောလို့သိရတယ်” လို့တပ်ရင်းမှူးကဆက် ပြောပါတယ်။
အဲဒီစစ်သားတွေက အသက် ၁၃နှစ်အရွယ် မိန်းက လေးကိုပါအုပ်စုဖွဲ့ အဓမ္မပြုကျင့်ခဲ့တာလို့ သိရပါတယ်။
ဗိုလ်မှူး ကျော်မင်း ဦးဆောင်လာတဲ့ တပ်ခွဲ-၁ ဟာ အောက်တိုဘာ၉ ရက်နေ့ကနေ၁၂ရက် နေ့အထိမလှိုင်မြို့နယ် အိမ်ကြီး တောရွာအနီးမှာ တော်လှန်ရေး တိုက်ခိုက်ခံခဲ့ရပြီး ဗိုလ်မှူးကျော်မင်း ဟာ လက်နက်ကြီးထိမှန် သေဆုံးခဲ့ပါတယ်။အဲဒီ တိုက်ပွဲအတွင်းမှာစုစုပေါင်း စစ်သားနဲ့ ပြည်သူ့စစ်တွေ အပါအဝင် ၂၀ ကျော် သေဆုံးကာ ၅ဦး အရှင်ဖမ်းမိခဲ့တယ်လို့ တော်လှန်ရေးတပ်ဖွဲ့ဝင်တွေကပြောတယ်။
စစ်သားတွေရဲ့ အုပ်စုဖွဲ့ မုဒိန်းကျင့်ခံရတာကြောင့်ကိုယ့်ကိုယ်ကိုယ် အဆုံးစီရင်သွားတဲ့ မိန်းက လေးငယ် တွေလည်း ရှိတယ်လို့ စုံစမ်းသိရပါတယ်။
စက်တင်ဘာ ၂၅ရက်ကနေ အောက်တိုဘာ ၁၂ ရက်အတွင်း ၁၈ရက်တာအတွင်းအင်အား ၂၀၀ ကျော်ပါစစ်တပ်စစ်ကြောင်းဟာမြင်းခြံခရိုင်အတွင်း ထိုးစစ်ဆင်လာလို့ PDF တွေနဲ့တိုက်ပွဲတွေဖြစ်ခဲ့ပြီး စစ်ကောင်စီတပ် သေဆုံးထိခိုက်များပြားသလို လက်နက်မျိုးစုံ ၅၀နီးပါး သိမ်းရခဲ့ကြောင်း နွားထိုးကြီး ပြည်သူ့ကာကွယ်ရေးတပ်မတော် (Natogyi People Defence Force) မြင်းခြံခရိုင်အမှတ်(၄-၁၀)တပ်ရင်းက သတင်းထုတ်ပြန်ပါတယ်။ အဲဒီကာလအတွင်းမှာ စစ်ကောင်စီတပ်နဲ့ တိုက်ပွဲ လေးကြိမ်ဖြစ်ခဲ့ပြီး စစ်တပ်စစ်ကြောင်းအထိနာတဲ့အတွက် တပ်ပြန်လန်သွားခဲ့တယ်လို့ ထုတ်ပြန်ထားပါတယ် ။
