အောက်တိုဘာ-၉၊၂၀၂၅၊မေ/ People’s Spring
မန္တလေးတိုင်း၊နွားထိုးကြီးမြို့အနီးကို စစ်ကောင်စီတပ်က နေ့စဉ်လေကြောင်းတိုက်ခိုက်နေပြီး အောက်တိုဘာ ၈ရက်က လေကြောင်းတိုက်ခိုက်မှုမှာ ပြည်သူ၂ဦး သေဆုံးပြီး ကလေးငယ်တွေအပါအဝင် ၁၀ဦး ကျော် ဒဏ်ရာရခဲ့တယ်လို့ ဒေသခံတွေက ပြောပါတယ်။
အောက်တိုဘာ ၇ရက်က စတင်ပြီး ဒီကနေ့(အောက်တိုဘာ ၉ရက်)အထိ နွားထိုးကြီးမြို့ရဲ့ တောင်ဖက်က ကျေးရွာတွေကို လေကြောင်းတိုက်ခိုက်နေတာလို့ သိရပါတယ်။
မနေ့က နွားထိုးကြီးမြို့ရဲ့တောင်ဘက် မကျီးကုန်းရွာ လေကြောင်းတိုက်ခံရမှုမှာပွဲချင်းပြီး ပြည်သူ ၁ဦး သေဆုံးကာ ဆေးကုသ နေစဉ်မှာပဲ နောက်ထပ် ကလေးငယ်တဦး ထပ်မံသေဆုံးပြီး ကလေးတွေ အပါအဝင် ပြည်သူ ၁၀ဦး ကျော်ဒဏ်ရာရခဲ့တာလို့ ဒေသခံတဦးက ပြောပါတယ်။
Public Service Announcement
“ နှစ်ဦး သေဆုံးတယ်။အသေးစိတ် တော့မသိရ သေးပါဘူး။ စစ်ရှောင်ပြည်သူ တွေနေတဲ့ နေရာကိုကြဲခဲ့တာပါ” လို့ ဒေသခံတဦးက ပြောပါတယ်။
ဒီနေ့မှာလည်း လေယာဉ်နှစ်စီးနဲ့ မြို့ တောင်ဘက်က ကျေးရွာတွေကို ဗုံးကြဲနေပြီး အထိအခိုက်ကို မသိရသေးဘူးလို့ သိရပါတယ်။
စက်တင်ဘာလနောက်ဆုံးပတ်ထဲမှာ နွားထိုးကြီးမြို့ရဲ့ တောင်ဘက်မှာ စစ်ကောင်စီတပ်နဲ့ တော်လှန်ရေး တပ်တွေ တိုက်ပွဲဖြစ်ပွားခဲ့ပြီး စစ်ကောင်စီတပ်အထိနာက ဒီကနေ့အထိ လေကြောင်းတိုက်ခိုက်တာ တွေပြုလုပ် နေတာ ဖြစ်ပါတယ်။
