စစ်ကိုင်းတံတားမှာ ကား​တွေ​ပေါ်ကလူငယ်​တွေကိုစစ်တပ်ကပေါ်တာဆွဲ

■အမျိုးသမီးများကိုပါ စစ်တပ်က​ပေါ်တာဆွဲဟု​ဒေသခံအချို့​ပြော

ဩဂုတ်-၂၈၊၂၀၂၅၊မေ/People’s Spring

စစ်ကိုင်းမြိုအဝင်ရတနာပုံတံတား(စစ်ကိုင်းတံတား)မှာဒီနေ့မနက်ပိုင်းကဖြတ်သန်းသွားလာသူတွေနဲ့ ခရီးသည်တင်ကားတွေကိုဒီက​နေ့စစ်တပ်က ပေါ်တာဆွဲသွားတယ်လို့ဒေသခံတွေက​ပြောပါတယ်။

ဩဂုတ်လ၂၈ ရက်၊မနက် ၇နာရီလောက်ကစတင်ပြီးတပ်မ (၃၃)ထဲကစစ်ကားတွေထွက်လာပြီး တံတား ပေါ်နဲ့ တံတားအနီးမှာ ဖြတ်သန်းသွားလာသူ တွေကို ပေါ်တာဆွဲ နေတာလို့သိရပါတယ်။

Public Service Announcement

“ဒီတံတားက ‌‌‌‌‌‌‌‌‌‌‌‌‌‌‌‌မနက်ခင်းတွေမှာ၂ရက်ခြားတခါ လောက်ဆွဲတယ်။ဒါပေမယ့် ဒီတခေါက်ထူးဆန်းတာကမိန်းမတွေပါဆွဲတယ်လို့ပြောတယ်”လို့ ပြည်သူတဦးကပြောပါတယ်။

ပေါ်တာဆွဲခံရမှုမှာ မနက်ခင်းအလုပ်သွားဖို့ထွက်လာတဲ့ အခြေခံအလုပ်သမားတွေပါသွားပြီးဆိုင်ကယ်တွေပါယူသွားတယ်လို့ ဒေသခံတွေကပြောပါတယ်။

ဒီစစ်ကိုင်းတံတားဟာ မန္တလေး- စစ်ကိုင်းကိုသွားလာဖို့အတွက် အဓိက အသုံးပြုရတဲ့ နေရာဖြစ်ပြီး စစ်တပ်က ဒီတံတားမှာ မကြာခဏ ပေါ်တာဆွဲ လေ့ရှိတယ်လို့​ဒေသခံအချို့က​ပြောပါတယ်။

ဩဂုတ်လ၂၃ ရက်နေ့က တပ်မ (၃၃)ထဲက နေမုံရွာနမခထဲကို စစ်သား​တွေ ကား၈စီးပို့ပြီး နောက်အခုလို ထပ်မံ ပေါ်တာဆွဲလာတာပါ။