သြဂုတ်-၁၇၊ ၂၀၂၅။တာရာ /People’s Spring
စစ်ကိုင်းတိုင်း၊ မြင်းမူမြို့နယ်မှာ လမ်းပိုင်းစစ်ဆေးရေးဂိတ်က စစ်ကောင်စီလက်အောက်ခံ ရဲတွေကို တိုက်ခိုက်ရာ သုံးဦးသေပြီး သေနတ်သုံးလက်ရတယ်လို့ T.G.Rတပ်ဖွဲ့ တာဝန်ခံ ဗိုလ်တိုက်ဂါးက ပြောပါတယ်။
ဩဂုတ်၁၄ ရက်မှာမြင်းမူးမြို့နယ်ကစစ်ကိုင်း-မုံရွာလမ်းပိုင်း စစ်ကောင်စီစစ်ဆေးရေဂိတ်စခန်းကထွက်လာတဲ့ ရဲတွေကို ပြောက်ကျားစစ်ဗျူဟာနဲ့ တိုက်ခိုက်ခဲ့တာလို့ ဆိုပါတယ်။
“သေသွားတာတွေက ရဲတွေ။ရတဲ့လက်နက်က G3၊ G4 နဲ့ MA 2 “ဟု ဗိုလ်တိုက်ဂါးက တိုက်ခိုက်မှုဖြစ်စဥ်ကိုလူထုနွေဦးကို ရှင်းပြပါတယ်။
Public Service Announcement
တိုက်ခိုက်ခံရမှုပြီးတဲ့နောက်မှာ စစ်ကောင်စီတပ်ဟာ ဖြစ်စဥ်ဖြစ်ပွားရာ နေရာအနီးက ကျေးရွာကို မီးရှို့ဖျက်ဆီးတာလုပ်ခဲ့တယ်လို့လည်းဆိုပါတယ်။
ဒေသခံစစ်ရေးသတင်းရင်းမြစ်တွေရဲ့ ပြောဆိုချက်အရ ဂွေပင်တောကျေးရွာစခန်းက အင်အား ၇၀ ခန့်က သြဂုတ် ၁၄ ရက်မှာ လက်ထုတ်တောကျေးရွာကို မီးရှို့ခဲ့တာလို့ ဆိုပါတယ်။
အဲဒီ ပြောက်ကျားစစ်ဗျူဟာစစ်ဆင်ရေးကို T.G.R တပ်ဖွဲ့ ၊ 11 Brother တပ်ဖွဲ့၊ ရေနဂါးပြည်သူ့ကာကွယ်တပ်ဖွဲ့ ၊ Black Eagleတပ်ဖွဲ့ ၊Hero တပ်ဖွဲ့ ၊
Black Brothers တပ်ဖွဲ့ နဲ့ ဒီမိုပြောက်ကျား
တပ်ဖွဲ့တို့ ပူးပေါင်းတိုက်ခိုက်ခဲ့တာဖြစ်ပြီး ပူးပေါင်းတပ်ဖွဲ့ဘက်က ရဲဘော်တွေ အထိခိုက်မရှိခဲ့ဘူးလို့ သိရပါတယ်။
