မေ-၂၉၊၂၀၂၅။People’s Spring
အင်အားပြင်း စစ်ကိုင်းငလျင်ကြီးလှုပ်ခတ်ခဲ့တဲ့မြန်မာနိုင်ငံကနေ ဂျပန်ကို အလုပ်ကိစ္စ လာရောက်သူဦးရေ သိသိသာသာ လျော့ကျသွားတယ်လို့ ဂျပန်လူဝင်မှုကြီးကြပ်ရေး ဝန်ဆောင်မှု အေဂျင်စီက ပြောပါတယ်။
နိုင်ငံခြားနည်းစနစ်ပိုင်းအလုပ်သင်လိုလမ်းကြောင်းမျိုးတွေကနေ ဂျပန်ကို လာရောက်ဖို့ မျှော်လင့်ထားသူ အများအပြားဟာ ငလျင်နောက်ပိုင်းမှာ တရားဝင်စာရွက်စာတမ်းကိစ္စတွေခက်ခဲနေတာကြောင့် လက်တွေ့ လာရောက်လို့မရဘဲဖြစ်နေတာလို့ အေဂျင်စီက ဆိုပါတယ်။
မြန်မာနိုင်ငံရဲ့အလုပ်သမား ဝန်ကြီးဌာနက ဂျပန်အပါအဝင် နိုင်ငံခြားတိုင်းပြည်တွေမှာအလုပ်သွားလုပ်မယ့်သူတွေအတွက်အသိအမှတ်ပြုကတ်ပြားတွေထုတ်ပေးမှုတွေနှောင့်နှေးနေပြီးငလျင်လှုပ်ခတ်ခဲ့မှုဟာ အဲဒီကိစ္စရဲ့ အကြောင်းရင်း တစ်စိတ်တစ်ဒေသဖြစ်နေတယ်လို့အေဂျင်စီကပြောပါတယ်။
Public Service Announcement
တိုကျိုအခြေစိုက်အလုပ်အကိုင်ရေးရာဥပဒေ အထူးပြု ပညာရှင် တစ်ဦးဖြစ်တဲ့ မိုရီကူဘို နတ်ဆူကီက ပြည်တွင်းစစ်ဒဏ် ခံစားနေရတဲ့ မြန်မာနိုင်ငံမှာ ဂျပန်လိုလုံခြုံဘေးကင်းတဲ့ နိုင်ငံမျိုးဆီလာရောက် အလုပ်လုပ်ချင်သူတွေ အများအပြား ရှိနေတယ်လို့ဆိုပါတယ်။
မြန်မာနိုင်ငံမှာ ဂျပန်စကားကို သတ်မှတ်အဆင့်ထိ တတ်ကျွမ်းထားသူတွေဟာဂျပန်ရဲ့လုပ်သားအင်အား နည်းပါးနေရာ သက်ကြီးစောင့်ရှောက်ရေး ကဏ္ဍမျိုးတွေမှာ အလုပ်အကိုင် အခွင့်အလမ်းတွေ ရရှိနေတယ်လို့လည်း မိုရီကူဘိုက မှတ်ချက်ပေးခဲ့ပါတယ်။
ဒါပေမဲ့မတ်လ ၂၈ ရက်နေ့ ငလျင်ကြီးအပြီး ၂ လကျော်အတွင်း နိုင်ငံခြားမှာ အလုပ်သွားလုပ်မယ့် ဝန်ထမ်းတွေအတွက် အသိအမှတ်ပြုကတ်တွေ ထုတ်ပေးဖို့ မြန်မာဖက်က နှောင့်နှေး ကြန့်ကြာနေခြင်းက ဂျပန်နဲ့ မြန်မာမှာရှိတဲ့ အလုပ်အကိုင် ရှာဖွေရေး လုပ်ငန်းတွေအတွက် အခက်အခဲတွေ ရှိလာစေတယ်လို့ သူက ထောက်ပြခဲ့ပါတယ်။
တချို့ကုမ္ပဏီတွေဆိုရင် အဲဒီအတောအတွင်း ဝန်ထမ်းလိုအပ်မှုအတွက် အကြောင်းကြားထားတာကိုတောင် ပြန်ရုပ်သိမ်းသွားခဲ့ကြတယ်လို့ မိုရီကူဘိုကပြောပါတယ်။
လက်ရှိ အခြေအနေတွေအရ မြန်မာနိုင်ငံဆီကနေ အလုပ်သမားတွေကို ခေါ်ယူချင်တဲ့ဂျပန်ကုမ္ပဏီတွေအနေနဲ့ နှောင့်နှေးမှုတွေ ကြုံနိုင်ခြေကို ကြိုစဉ်းစားထားသင့်ကြောင်းလည်း သူက အကြံပြုခဲ့ပါတယ်။
ပြီးတော့ဝန်ထမ်းခေါ်ယူထားတာတွေကို ကုမ္ပဏီတွေဖက်က ချက်ချင်း ပြန်ရုပ်သိမ်းတာတွေ မလုပ်ကြဖို့လည်း သူ့အနေနဲ့မျှော်လင့်ထားကြောင်း၊ မြန်
မာနိုင်ငံရဲ့ အခြေအနေတွေကိုစိတ်ရှည်ရှည်ထားပြီး စောင့်ကြည့်စေလိုကြောင်းသူကပြောကြားသွားပါတယ်။
ကိုးကား- NHK
