အင်ကြင်း/People’s Spring
မန္တလေးတိုင်း၊ ကျောက်ဆည်မြို့နယ်ရှိ ဘုရားစေတီတစ်ဆူမှ ကြေးခေါင်းလောင်းတစ်ခု အခိုးခံရကြောင်း ဒေသခံများက ပြောသည်။
ကျောက်ဆည်မြို့နယ်၊ ကျောက်ဆည် – မင်းစုမြစ်သားလမ်းပေါ် ငါးမြွေကုန်းကျေးရွာအနီးရှိ အလိုတော်ပြည့်ဘုရားရင်ပြင်မှ ကြေးခေါင်းလောင်းတစ်ခု အောက်တိုဘာ ၇ ရက် ညပိုင်းက ခိုးယူခံလိုက်ရကြောင်း ဒေသခံများက ပြောသည်။
Public Service Announcement
“တန်းကဘာမှမဖြစ်ဘူး။ တန်းကဖြတ်လို့မရတဲ့အပိတ်သားကြီး။ လူ ၅ ယောက်လောက်မှ ရွှေ့လို့ရတာမို့ ကျကျနနကို လူအင်အား၊ သယ်စရာယာဥ်နဲ့ လာခိုးသွားတာ။”ဟု ဒေသခံတစ်ဦးက ပြောသည်။
အဆိုပါခေါင်းလောင်းမှာ ကြေးပိဿာချိန် ၇၂ပ်ိသာခန့်ရှိပြီး ကာလတန်ဖိုး ကျပ်သိန်း ၄၀ ခန့်တန်ဖိုးရှိကြောင်း သိရသည်။
ကျောက်ဆည်မြို့တွင် ၂၀၂၄ ဇန်နဝါရီအတွင်းကလည်း ကျောက်ဆည်မြို့မစျေးရှိ ရွှေဆိုင်နှစ်ဆိုင် တစ်ပြိုင်တည်း ဓါးပြတိုက်ခံရပြီး ကျပ်သိန်း နှစ်ထောင်ကျော် ဆုံးရှုံးခဲ့သေးသည်။
စစ်တပ်အာဏာသိမ်းပြီးနောက်ပိုင်း မန္တလေး၊ မုံရွာအစရှိသည့်မြို့ကြီးများ၌ပင် ရွှေဆိုင်များ၊ ဘဏ်များ၊ အခြားစီးပွားရေးလုပ်ငန်းများနှင့်အရောင်းဆိုင်များ ဓါးပြတိုက်ခံရခြင်း၊ ခိုးယူဖောက်ထွင်းခံရခြင်းများ ဖြစ်ပွားနေသည်။
