မတ်-၆၊ ၂၀၂၆။ ထားမြတ်/People’s Spring
အမျိုးသားညီညွတ်ရေးအစိုးရ(NUG)၊ ကာကွယ်ရေးဝန်ကြီးဌာန၊ ပြည်သူ့ကာကွယ်ရေးတပ်မတော် လေ့ကျင့်ရေးနည်းပြများအတွက် စွမ်းဆောင်ရည်မြှင့်သင်တန်းကို ဖေဖော်ဝါရီအတွင်း အောင်မြင်စွာ ဖွင့်လှစ်နိုင်ခဲ့ပြီးဖြစ်ဟု NUG ကာကွယ်ရေးဝန်ကြီးဌာနက သတင်းထုတ်ပြန်ပါတယ်။
အဲဒီသင်တန်းကို အမျိုးသားညီညွတ်ရေးအစိုးရရဲ့ ထိန်းချုပ်နယ်မြေတနေရာမှာ ရက်သတ္တ (၃)ပတ်တာ ဖွင့်လှစ်သင်ကြားခဲ့တာလို့ ဆိုပါတယ်။
သင်တန်းကို လေ့ကျင့်ရေးနည်းပြ (၁၀၀)ကျော် တက်ရောက်ခဲ့ဟု အသိပေးပါတယ်။
Public Service Announcement
ပြည်သူ့ကာကွယ်ရေးတပ်မတော် စစ်အခြေခံသဘောတရား (Military Doctrine)၊စစ်မြေပြင်ဆိုင်ရာ စိတ်ပညာ၊ စစ်ဘက်-အရပ်ဘက် ဆက်ဆံရေး၊ အခြေခံနိုင်ငံရေး မိတ်ဆက်၊ မြန်မာ့နိုင်ငံရေးသမိုင်း အကျဉ်းချုပ်၊ Cyber Security၊ ပြည်သူ့ကာကွယ်ရေးတပ်မတော်ရဲ့ စစ်ဆင်ရေး၊ ရေး၊ ထောက်၊ လှမ်း၊ လုံ ဆိုင်ရာ လုပ်ထုံးလုပ်နည်း တွေသင်ကြား ပို့ချခဲ့ကြောင်း ထုတ်ပြန်ပါတယ်။
ဒါ့အပြင်စစ်ဥပဒေဆိုင်ရာ ဘာသာရပ်တွေနဲ့စိတ်ဓာတ်စစ်ဆင်ရေးဆိုင်ရာ သင်ခန်းစာများကို သက်ဆိုင်ရာ ဘာသာရပ်အလိုက် ကျွမ်းကျင်ပညာရှင် တွေနဲ့ တပ်မှူးတွေက သင်ကြားပို့ချခဲ့တယ်လို့ ဆိုပါတယ်။
ပြည်သူ့ကာကွယ်ရေးတပ်မတော်ရဲ့ တပ်တည်ဆောက်ရေးလုပ်ငန်း တွေမှာ လေ့ကျင့်ရေးကဏ္ဍဟာ အခြေခံအကျဆုံးနဲ့ အရေးပါဆုံးသော အခန်းကဏ္ဍမှ ပါဝင်လျက်ရှိဟု ကာကွယ်ရေးဝန်ကြီးဌာနက ထုတ်ပြန်ပါတယ်။
