ကြယ်စင် သို့ဂုဏ်ပြုခြင်း

-ဥသြ/People’s Spring

“ Everything will be OK”

အားလုံးအဆင်​ပြေသွားမှာပါ လို့အဓိပ္ပါယ်ရတဲ့အဂ်လိပ်စာတန်း​​လေးကနွေဦးတော်လှန်ရေး အ​စောပိုင်းရက်​တွေမှာ ပြည်သူ​တွေရင်ထဲ မှတ်မှတ်ထင်ထင်ရှိခဲ့တဲ့စာသား​လေးဖြစ်ပါတယ်။

ဒီစာသားလေးနွေဦးတော်လှန်ရေးမှာ ပြည်သူ​တွေရင်ထဲ​ရောက်ခဲ့တာအခုဆိုရင် ၅နှစ်ရှိခဲ့ပါပြီ။ ဒီစာသားနဲ့အတူ ချစ်စဖွယ်​ကောင်းပြီး သတ္တိ​ကောင်းလှတဲ့ ကြယ်စင်ဆိုတဲ့ မိန်းက​လေးငယ်ကိုတွဲပြီး မြင်​လာကြမယ်ထင်ပါတယ် ။

ကြယ်စင်ဆိုတဲ့နာမည်ကိုကြားလိုက်ရင် မန္တလေးမြို့ကသာမကမြန်မာနိုင်ငံတစ်ဝန်းပြည်သူ​အများစုက ​နွေဦး​တော်လှန်​ရေးအ​စောပိုင်းရက်​တွေက စစ်အာဏာရှင်ကို ငြိမ်းချမ်းစွာဆန္ဒပြရင်း စစ်တပ်ရဲ့ပစ်ခတ်မှု​ကြောင့် ကျဆုံးခဲ့တဲ့ သူ့ကိုအမှတ်ရကြဦးမယ်ထင်ပါတယ် ။

သီချင်းဆိုရတာကတာကိုဝါသနာပါပြီး အနုပညာကိုချစ်မြတ်နိုးတဲ့ အသက် ၁၈ နှစ်အရွယ်မိန်းကလေးငယ် ရဲ့သတ္တိ နဲ့ ​ပေးဆပ်မှု​တွေဟာ စစ်အာဏာရှင်​တွေရဲ့မျက်နှာဖုံး​တွေကို ဆွဲဖြုတ်​ချ​ ပေးခဲ့ပါတယ် ။

လွန်ခဲ့တဲ့ ၅နှစ်ကိုပြန်သွားကြရအောင်ပါ။ မိမိအာဏာရဖို့တစ်ခုတည်း နိုင်ငံ နဲ့ ပြည်သူ​တွေရဲ့ဘဝကို ဖျက်ဆီးဖို့ ဝန်မ​လေးတဲ့ စစ်​ခေါင်း​ဆောင်​တွေက ၂၀၂၁ခုနှစ် ဖေဖော်ဝါရီ၁ရက်နေ့မှာ လက်

နက်အားကိုးနဲ့ အာဏာသိမ်းခဲ့ပါတယ်။ စစ်တပ်အာဏာသိမ်းတာကို လက်မခံပဲ နိုင်ငံတစ်ဝန်းငြိမ်းချမ်းစွာဆန္ဒပြတဲ့ သန်း​ပေါင်းများစွာ​သောပြည်သူ​တွေရဲ့ ဆန္ဒကို စစ်တပ်ကလိုက်​လျောမ​ပေးပဲ ကျည်အစစ်​တွေနဲ့ ပစ်ခတ်သတ်ဖြတ်အကြမ်းဖက်ခဲ့ပါတယ် ။ ​

​ဖေ​ဖော်ဝါရီ ၉ ရက်ကနေပြည်​တော်မှာ မမြသွဲ့သွဲ့ခိုင်ကစပြီး မန္တလေးကမ်းနားလမ်း ရတနာပုံသင်္ဘောကျင်းရှေ့မှာ ဆန္ဒပြရင်းကျဆုံးခဲ့တဲ့ကို​ဝေယံထွန်း အပါအဝင် လမ်းမထက်မှာ ငြိမ်းချမ်းစွာဆန္ဒပြတဲ့ပြည်သူ​တွေကို တစ်​ယောက်ပြီးတစ်​ယောက် အာဏာသိမ်းစစ်တပ်ကတိုက်ပွဲသုံးလက်နက်​တွေအသုံးပြုပစ်ခတ်အကြမ်းဖက်သတ်ဖြတ်ပါ​တော့တယ်။

မတ်လ ၃ရက်မနက်ခင်းမှာ​တော့ မန္တ​လေးမြို့မှာ အရင်​နေ့​တွေလိုပဲ လူငယ်သပိတ်စစ်ကြောင်း​​တွေစစ်တပ်အာဏာသိမ်းမှုကို ဆန္ဒပြဖို့ လမ်းပေါ်ထွက်လာကြပါတယ်။ မန္တလေးမြို့၊၈၄လမ်း၊လမ်း၃၀ အနီးမှာ အင်အားရာနဲ့ချီတဲ့ စစ်အုပ်စုကလည်း မြောက်ဘက်တကျောလမ်းကြားတွေအထိပိတ်ဆို့ထားပါတယ်။

တဖက်မှာလည်းလူငယ်တွေဦးဆောင်တဲ့ သပိတ်အဖွဲ့ တွေ မျက်နှာချင်းဆိုင်မှာလည်း စစ်အင်အားက အလုံးအရင်းပါ။ ပျောက်ကြားစစ်ယူနီ ဖောင်းနောက်မှာစစ်သားတွေဟာသေနတ်မောင်းတင်ပြီး လက်နက်မဲ့ပြည်သူကိုပစ်ခတ်ဖို့အသင့်ဖြစ်နေခဲ့ပါတယ်။

မနက်၉နာရီခန့်မှာ​တော့ ဆန္ဒပြလုအုပ်ထဲကိုကျည်အစစ်​တွေနဲ့စတင်ပစ်ခတ်ပါ​တော့တယ်။လက်နက်မဲ့ပြည်သူ​တွေကို စစ်​မြေပြင်အလားပစ်ခတ်တာ​ကြောင့် ယမ်း​ငွေ့​တွေကြားသပိတ်အဖွဲ့ တွေတဖြည်းဖြည်းနောက်ဆုတ်လာပါတယ်။

ခက်ထန်မာ​ကျော ၊သုံမှုံနေတဲ့မျက်နှာ​တွေနဲ့စစ်သား​တွေက သေနတ်​တွေထိုးချိန်ရင်းရှေ့ကိုဆက်တိုက်တိုးလာပါတယ်။

‌‌‌‌‌‌‌‌‌‌‌ပြည်သူ​တွေကို​တော့ မ‌‌ပစ်လောက်​တော့ပါဘူးလို့မရဲတရဲမျှော်လင့်ချက် နဲ့ ဆန္ဒပြလူငယ်​တွေဟာစိတ်ရိုင်းဝင်​နေတဲ့စစ်သား​တွေကို ​ဖျောင်းဖြဖို့ကြိုးစားခဲ့ကြပါ​​သေးတယ် ။ ပြည်သူ့အခွန်ဘဏ္ဍာငွေ​တွေနဲ့ဝယ်ထားတဲ့​ကျည်နဲ့ ပြည်သူကို ပြန်မပစ်ဖို့စစ်အုပ်စုကိုလှမ်း အော်နေကြတဲ့ လူငယ် တွေ၊အာဏာရှင်ကိုသာ ဆန့်ကျင်နေတာမို့ စစ်သား တွေပြည်သူနဲ့ ပူး ပေါင်းဖို့ တောင်းပန် နေကြတဲ့ အသံ တွေ ပသ်ခတ်သံ​တွေကြား ဆူနေပါတယ်။

အဲဒီသပိတ်ရဲ့ ထိပ်ဆုံးမှာ ဂျူတီကုတ်ဝတ်ထားတဲ့ ဆရာဝန်၊ဆေးတက္ကသိုလ်ကျောင်းသား၊အပေါ် အင်ဂျင်နီယာဝတ်ရောင်ပြန်ကိုထပ်ဝတ်ထားတဲ့ အင်ဂျင်နီယာတွေနဲ့ အင်ဂျင်နီယာ ကျောင်းသားတွေပါ။သူတို့နောက်မှာလူငယ်တွေရှိပြီးအဲဒီအထဲမှာ Eveerything will be OK ဆိုတဲ့စာတမ်းပါတဲ့ တီရှပ်အနက်နဲ့ အပြာ​ရောင်ဂျင်း​ဘောင်ဘီရှည်ဝတ်ထားတဲ့အသက်၁၈နှစ်အရွယ် မကြယ်စင်လည်း ပါပါတယ်။

“ ပစ်ပြီ နောက်ဆုတ် “ လို့​ ဘေးကလူတွေကို​အော် သတိပေးပြီး ကြယ်စင်တစ်​ယောက် နောက်ပြန်ဆုတ်ရင်း မြေကြီးပေါ် ဝတ်လိုက်ပါတယ်။စစ်သား​တွေရဲ့ အညှာအတာမဲ့ ဆက်တိုက်ပစ်ခတ်မှုတွေကြားမှာ ကြယ်စင်အနောက်ကိုပဲထပြေးလိုက်ပါတယ်။ ကံဆိုးစွာနဲ့ပဲ ကျည်ဆံတထောင့် ကြယ်စင်ရဲ့ ဦးခေါင်းကို ထိမှန်သွားပါတယ်။

ရုတ်တရက်လဲကျသွားတဲ့ ကြယ်စင်ကို ဘေးနားမှာရှိတဲ့ ရွယ်တူလူငယ်တဦးကပွေ့ချီပြေးပါတယ်။ တခြားသပိတ်လူငယ်တ‌ယောက်ရဲ့အကူအညီနဲ့ ဆိုင်ကယ်​ပေါ်တင်ပြီး လူမှုကူညီရေး အသင်း ကားတွေရပ်ထားရာဘက်ကို အမြန်​မောင်းထွက်ခဲ့ကြပါတယ်။

“ အဲဒီအချိန်က ကျည်မှန် လိုက်မှန်းကျွန်တော်မသိလိုက်ဘူး။မူးလဲတယ်ထင်ပြီးဆေးခန်းပို့ဖို့လုပ်လိုက်တာ။ဆိုင်ကယ်ပေါ်ရောက်မှ ခေါင်းက သွေး

နည်းနည်းကျလာတော့ စိတ်ပူသွားတာ” လို့ ကြယ်စင်ကို လိုက်ပို့ခဲ့တဲ့ လူငယ်က People’s Spring ကိုပြောပါတယ်။

အဲဒီနောက် လူမှုကူညီရေးအသင်းတခုက အဲဒီအချိန်က ဆေးကုသမှု ပေး နေတဲ့ ဗြမ္မစိုရ် ဆေးကုခန်းကို ခေါ်သွားပါတယ်။ဆေးခန်းကို ရောက်တဲ့အချိန်မှာ ကြယ်စင်တစ်​ယောက် ကွယ်လွန်သွားပါပြီ။

တရုတ်နွယ်ဖွား ကြယ်စင်သေဆုံးမှုဟာ တနိုင်ငံလုံးက ပြည်သူ​တွေကို ဝမ်းနည်း​ကြေကွဲ​စေခဲ့ပါတယ်။နေအိမ်က ထွက်မသွားခင် သမီးဖြစ်သူကို လက်ပတ်အနီကိုယ်တိုင်စည်းပေးခဲ့တဲ့ ဖခင်လည်း ဒါဟာသမီးငယ်​လေးကို​ အသက်ရှင်လျက်နောက်ဆုံးမြင်​တွေ့ ခွင့်လို့ မသိခဲ့ပါဘူး။

နေအိမ်ပြန်ရောက်လာတဲ့ အသက်မဲ့​နေတဲ့သမီးဖြစ်သူရုပ်အလောင်းဘေးမှာ ရင်ကွဲပက်လက်နဲ့ တွေတွေကြီးထိုင်နေပါ​တော့တယ်။ဒါ​ပေမယ့်စစ်အာ‌ဏာရှင်ရဲ့ ယုတ်မာမှုက ဒီမှာတင်မပြီးသေးပါဘူး။

ကြယ်စင်ရုပ်အလောင်းရှိရာ နေအိမ်ကိုအရပ်ဝတ်တွေနဲ့ မကြာခဏလာ​ပြီးဖိအား​ပေး​နေတာမို့ နာရေးကို လမ်း၈၀ က တရုတ်ဘုံ ကျောင်းကို ပြောင်းရွေ့လိုက်ရပါတယ်။ ကြယ်စင်ဟာ ကွယ်လွန်ပြီးရုပ်ကလပ်အဖြစ်နဲ့တောင်နေအိမ်မှာကြာကြာ​နေခွင့် မရခဲ့ပါဘူး။မတ်လ၄ရက်မှာ ကြယ်စင့်နာ ရေးကို ဘုံကျောင်းကနေပဲကျင်းပခဲ့ပါတယ်။

‌‌‌‌‌‌‌

“ သမီးရေ အမေ့ကိုပါခေါ်သွားပါ” လို့ မိခင်ဖြစ်သူရဲ့ ငိုကြွေးသံဟာဘုံကျောင်းတခုလုံးလွှမ်းနေခဲ့ပါတယ်။ သွေးသစ္စာ သီချင်းသံဟာလည်းမန္တလေးတမြို့လုံး လွှမ်းခဲ့ပါတယ်။ကြယ်စင့်နာ ရေးဟာ မန္တလေးမြို့မှာ လူအစည်ကားဆုံး နာရေးတစ်ခုဖြစ်ခဲ့ပါတယ်။

ကားနှစ်စီးလုံး ပြည့်လျှံ နေတဲ့လွမ်းသူ့ပန်း တွေ၊အစီးရေထောင်ချီနေတဲ့ဆိုင်ကယ်တွေ လမ်းတလျှောက်အလေးထွက်ပြုကြတဲ့ပြည်သူတွေ သောင်းနဲ့ချီခဲ့ပါတယ်။ ကြာနီကန်နဲ့ မန္တလေးဆက်သွားတဲ့ အထိနာရေးပို့ပြည်သူတွေ များခဲ့ပါတယ်။

“ My Hero” ဆိုတဲ့ ကြယ်စင် ဗီနိုင်း တွေထွက်လာပြီး သရဲဘောကြောင်တဲ့ စစ်အုပ်စုလည်း ကြယ်စင်ကိုသူတို့ပစ်သတ်တာမဟုတ်ဘူးလို့ အသည်းသန်ထငြင်းပါတော့တယ်။

ကြယ်စင်အုတ်ဂူမခြောက်သေးခင်မှာပဲ စစ်အုပ်စုက အုတ်ဂူကိုရိုက်ဖွင့်ပြီး ကြယ်စင် ခန္ဓာကိုယ်ကို ထုတ်ယူခွဲစိတ်ပါတယ်။

ရုပ်အလောင်းကို ပြန်ဖော်တဲ့အချိန်မှာ စစ်ယူနီ ဖောင်းဝတ်ဗိုလ်မှူးတဦး၊ရှေ့နေတဦး၊မှုခင်းဆရာဝန် မဟုတ်ပဲ စစ်ဆေးဆရာဝန်ဆိုသူတဦးတို့ပဲပါဝင်ပါတယ်။ သုသာန်မှာ နေထိုင်သူတွေရဲ့ ဖုန်းအားလုံးကိုသိမ်းပြီး ညအချိန်မတော်မှာခွဲစိတ်မှုကို လုပ်ခဲ့တာပါ။

သင်္ချိုင်းတခုလုံးကို အဝင်အထွက်ပိတ် မီးပိတ်ပြီး မတ္တရာ- မန္တလေးလမ်းအထိ လုံခြုံရေးချခဲ့ပါတယ်။ည၈နာရီ ကျော်ကနေ မနက်၃နာရီလောက်အထိ စစ်အုပ်စုကသုသာန်အတွင်းရှိနေခဲ့တာပါ။

အုတ်ဂူဖွင့် အ​လောင်းကို ပြန်ခွဲစိတ်ပြီး ၂ရက်အကြာမှာ ကြယ်စင်ဟာ ကျည်မှန်သေဆုံးတာ မဟုတ်ဘူးလို့ စစ်တပ်ကလိမ်ညာထုတ်ပြန်ပါတယ်။ ဦးနှောက်ထဲမှာ မာကြောတဲ့အရာတခု တွေ့ခဲ့ပြီး အချင်းချင်းလုပ်ကြံခဲ့တာလို့ စစ်တပ်ပိုင်မီဒီယာ တွေကနေ တဆင့် စစ်အာဏာရှင်​တွေက တလိမ်ညာဝါဒဖြန့်ခဲ့ပါတယ်။

ဒါ့အပြင် ဆိုင်ကယ်နဲ့ လိုက်ပို့​ပေးခဲ့တဲ့ကြယ်စင်ကူကူညီခဲ့တဲ့လူငယ်​လေးကိုပါလူသတ်မှုနဲ့စွပ်စွဲ သတင်းစာမှာထည့်ပြီး အမှုဖွင့်ခဲ့ပါသေးတယ်။

ဒီဖြစ်ရပ်တွေအခုဆို ၅နှစ်ပြည့်ခဲ့ပါပြီ။ အာဏာလုစစ်တပ်က မမြသွဲ့သွဲ့ခိုင် ၊ကြယ်စင် တို့ကစပြီး ​သောင်းနဲ့ချီတဲ့ပြည်သူ​တွေကို ဒီ​နေ့အထိသတ်ဖြတ်​နေဆဲဖြစ်ပါတယ် ။ ​သေနတ်နဲ့ပစ်သတ်တာက​နေ ဗုံးကြဲသတ်တာ ၊ အဓမ္မစစ်မှုထမ်းခိုင်းပြီးမူးယစ်​ဆေး​ကြွေးအ​သေခံစစ်တိုက်ခိုင်းပြီးသတ်တာ စတဲ့ သတ်နည်းအစုံနဲ့သတ်ဖြတ်​နေဆဲဖြစ်ပါတယ် ။ပြည်သူ​တွေလအထူးသဖြင့် ကြယ်စင်တို့လို လူငယ်​တွေကလည်း မြန်မာ့သမိုင်းမှာ ဘယ်တုန်းကမှမရှိတဲ့ စုစည်းမှု ၊ရဲရင်မှု​တွေ နဲ့ စစ်ကျွန်ဘဝက လွတ်ဖို့တိုက်ပွဲဝင်​နေကြပါတယ် ။

“ အခုထိအမှတ်ရနေဆဲပါ။ကြယ်စင်ကအမြဲတမ်းကျွန်တော်တို့ရင်ထဲမှာရှိနေမယ့် ကျွန် တော်တို့သူရဲ ကောင်း လေးပါ။ဒီအပြစ်တွေအတွက် စစ်ကောင်စီကအပြစ်ခံကို ခံယူရမယ်။ကျွန်တော်တို့နိုင်မှာပါ” လို့ အဲဒီတုန်းက ကြယ်စင့်နာ ရေးကိုလည်းလိုက်ပို့ခဲ့ပြီး အခုထိ တော်လှန်ရေးမှာ ပါဝင်​နေသူ တဦးကပြောလိုက်ပါတယ်။ ။