အောက်တိုဘာ-၁၇၊၂၀၂၅၊ရှိန်း/People’s Spring
မန္တလေးမြို့မှာ ရဲယူနီဖောင်းဝတ်နဲ့ ရဲစခန်းအနီးမှာ ဆိုင်ကယ်လုယက်သွားတယ်လို့ မြို့ခံတွေ ဆီကသိရပါတယ်။
အောက်တိုဘာ၁၄ ရက်မနက်ကမန္တလေးမြို့၊၆၄×၆၅လမ်းကြား၊၁၁၅လမ်းက ပြည်ကြီးတံခွန်မြို့နယ်ရဲစခန်းအနီးမှာ အမျိုးသားတဦး မောင်းနှင်လာတဲ့ ဆိုင်ကယ်ကို ရဲယူနီဖောင်းဝတ်ထားသူ အမျိုးသားနှစ်ဦးနဲ့ လွယ်အိတ်စလွယ်သိုင်းပြီး လျှာထိုးဦးထုပ်ဆောင်းထားသူ ၃ ဦး စုစုပေါင်း လူငါးဦးက လိုက်လံလုယူခဲ့တယ်လို့ သိရပါတယ်။
“ ဆိုင်ကယ်ကမနေ့ညက ပျောက်လို့တိုင်ထားတဲ့ ဆိုင်ကယ်ဆိုပြီး ယူသွားတာ။ရဲစခန်းလိုက်ရှင်းလို့ပြောတယ်” လို့ ဖြစ်စဉ်နဲ့နီးစပ်သူတဦးက ပြောပါတယ်။
Public Service Announcement
ဆိုင်ကယ်ပိုင်ရှင်က ရဲစခန်းတွေလိုက်လံစုံစမ်းခဲ့ပေမယ့် မည်သည့်ရဲစခန်းကမှ ဆိုင်ကယ်မသိမ်းယူခဲ့ဘူးလို့သာ ပြောတယ်လို့ သိရပါတယ်။
၂၀၂၃ ခုနှစ် ကလည်း မန္တလေးမြို့၊အောင်မြေသာစံမြို့နယ်မှာ အခုလို ရဲယူနီဖောင်းဝတ်နဲ့လုယက်မှုတွေ ဖြစ်ခဲ့ပါသေးတယ်။
အဲဒီတုန်းကလုယက်မှုတွေကိုပုသိမ်ကြီးမြို့မရဲစခန်းကနယ်ထိန်းခေါင်းဆောင်က ဦးဆောင်ကျူးလွန်ခဲ့တာဆိုပြီး ရဲစခန်းတခုလုံးကို စစ်တပ်က ညပိုင်းဝင်ရောက်စီးနင်း ဖမ်းဆီးခဲ့တဲ့ဖြစ်စဉ်ရှိခဲ့ပါတယ်။
ယခုလပိုင်းအတွင်း မန္တလေးမြို့မှာ ပျူစောထီးတွေ သောင်းကျန်းနေပြီး ညဘက်မှာသွားလာသူတွေ စီကနေ သက်ဆိုင်ရာကလို့ပြောပြီး ဖုန်းလုယက်တာနဲ့ ငွေကြေးတောင်းခံတာ တွေလည်းဆက်တိုက်ဖြစ် နေပါတယ်။
