စက်တင်ဘာ-၃၀၊ ၂၀၂၅။ သတိုး/People’s Spring
စစ်ကောင်စီရဲ့ရွေးကောက်ပွဲကို ဆန့်ကျင်တော်လှန်ကြောင်း ပြသတဲ့အနေနဲ့ ဆိုင်ကယ်သပိတ်လှုပ်ရှားမှုကို ပြုလုပ်ခဲ့ပါတယ်။
ဒီလှုပ်ရှားမှုကို ချောင်းဦးမြို့နယ်လူငယ်အင်အားစုသပိတ်ကော်မတီ၊ ချောင်းဦးမြို့နယ်ကျောင်းသားများသမဂ္ဂ(ဗကသများအဖွဲ့ချုပ်)နဲ့ မုံရွာ-အမြင့်လမ်း သပိတ်ဦးဆောင်ကော်မတီတို့ ပူးပေါင်းလုပ်ဆောင်ခဲ့တာဖြစ်ပြီး သပိတ်မှာပါဝင်သူတွေက ဆိုင်ကယ်တွေပေါ်မှာ ခွပ်ဒေါင်းအလံတွေကို လွှင့်ထူခဲ့ကြတာပါ။
သပိတ်စစ်ကြောင်းမှာပါဝင်တဲ့ ရဲဘော် ဇွဲလေးက စစ်ကောင်စီ ရွေးကောက်ပွဲကို ဆန့်ကျင်ကြောင်း နဲ့ ရွေးကောက်ပွဲက အတုအယောင်ဖြစ်ပြီး စစ်ကောင်စီအတွက်သာ ထွက်ပေါက်ဖြစ်တာကြောင့် ပြည်သူတွေအနေနဲ့ ဆန့်ကျင်ဖို့ တိုက်တွန်းခဲ့ပါတယ်။
Public Service Announcement
ဒါ့အပြင် “ အာဏာရှင်စနစ်ပြုတ်ကျရေး” “ ဖက်ဒရယ်ဒီမိုကရေစီ ရရှိရေး” “ ဖက်ဆစ်ရွေးကောက် ခွေးထွက်ပေါက် မဲမပေးနဲ့ သပိတ်မှောက်” စတဲ့ကြွေးကြော်သံတွေကိုလည်း ကြွေးကြော်ခဲ့ကြပါတယ်။
“ ထွက်ပေါက် မဟုတ်၊ ထောင်ခြောက်။အတုအယောင် ရွေးကောက်ပွဲ လူထုအားနဲ့ တိုက်ဖျက်ကြ။အရေးတော်ပုံ အောင်ရမည်။” လို့ ဒေါက်တာတေဇာစန်းက မှတ်ချက်ရေးသားထားပါတယ်။
စစ်ကောင်စီ ရွေးကောက်ပွဲကို ဆန့်ကျင်တဲ့ ဆိုင်ကယ်သပိတ် စက်တင်ဘာ-၃၀၊ ၂၀၂၅။ သတိုး/People's…
Posted by People's Spring on Tuesday 30 September 2025
ရုပ်သံ – GSCB
