ဧပြီ၃၊၂၀၂၅။ခွာညို/People’s Spring
ရှမ်းပြည်နယ်တောင်ပိုင်း၊ အင်းလေးဒေသတွင် ယနေ့ (ဧပြီ ၃ရက်) နေ့လယ်က တောမီး လောင် ကျွမ်းရာမှတစ်ဆင့် ခရိုနီလုပ်ငန်းရှင် ဦးတေဇပိုင်သောနာမည်ကြီးဟိုတယ်ဖြစ်သည့် Myanmar Treasure Hotelအား မီးကူးစက်လောင်ကျွမ်းနေသည်။
” တောမီးကနေ ကူးတာပါ။ ရေဘေးသွားကူရင်း တွေ့တာ စိတ်မချမ်းသာဘူး”ဟု အင်းလေးဒေသသို့ရောက်ရှိနေသည့် လူမှုရေးအဖွဲ့ဝင်တစ်ဦးကပြောသည်။
ထိုဟိုတယ် ကို ဦးတေဇ၏ Htoo Group of Companies အုပ်စုကပိုင်ဆိုင်ခြင်းဖြစ်သည်။
Public Service Announcement
အင်းလေးဒေသသည် ပြီးခဲ့သည့်နှစ်မိုးရာသီက ရာဂီမုန်တိုင်းအရှိန်ကြောင့် မိုးသည်းထန်စွာရွာသွန်းခဲ့စဉ် ထိခိုက်မှုမှုများပြားခဲ့သလို မတ်လ ၂၈ရက်က မန္တလေးမြို့ကိုဗဟိုပြု လှုပ်သည့် ငလျင်ကြောင့်လည်း နေအိမ်အများအပြားပျက်စီးပြီး ၈၉ဦးသေဆုံးခဲ့ကြောင်း အင်းလေးဒေသလူ့အခွင့်အရေးအဖွဲ့က မတ်လ ၃၀ ရက် တွင် ထုတ်ပြန်ထားသည်။
၂၀၂၄ နိုဝင်ဘာ ၁၅ ရက်နေ့ကလည်း အင်းလေးမှ နမည်ကြီး ဟိုတယ်ဖြစ်သော Inle Princess Hotel မှာလည်း မီးပုံပျံပျက်ကျရာမှ ဟိုတယ် တစ်ခုလုံး မီးလောင်ဆုံးရှုံးခဲ့သည်။
