Basketbolun 3×3 növü üzrə Qadın seriyasının Klermon-Ferran mərhələsindən sonra yarışın ümumi cədvəli açıqlanıb.
Gununsesi.info xəbər verir ki, arxada qalan 5 raundda 28 komanda iştirak edib.
Azərbaycan millisi 95 xalla 12-ci yerdə qərarlaşıb. Komandamız iki mərhələdə iştirak edib. Yığmamızın hesabına Qəbələdə 6-cı yer 45, Klermon-Ferrandakı 5-ci yer 50 xal gətirib.
“Baku Flames” isə 35 xalla 27-ci pillədə yer alıb. Yalnız Qəbələ mərhələsinə qatılan təmsilçimiz 8-ci yerin sahibi kimi 35 xal əldə edib.
Qeyd edək ki, siyahıya 250 xala malik Fransa başçılıq edir. “Üçrənglilər” qatıldığı 3 mərhələdən ikisində qalib olub.
Gununsesi.info
