“Krım körpüsü artıq hərbi baxımdan vacib deyil, ona görə də onun dağıdılması Rusiya ilə müharibənin əvvəlində olduğu kimi effekt verməyəcək”.
Gununsesi.info xəbər verir ki, bu barədə Ukrayna Silahlı Qüvvələrinin Hərbi Dəniz Qüvvələrinin spikeri Dmitri Pletençuk bildirib.
Onun sözlərinə görə, hərbi logistika üçün demək olar ki, istifadə edilmir:” Bu körpü ümumi yükün dörddə birindən azını daşıyır. Qalanı isə bu yaxınlarda vurulmuş bərə keçidindən keçir. Buna görə də, SBU və Hərbi Dəniz Qüvvələrinin pilotsuz təyyarənin hücumu ilə birgə əməliyyatı nəticəsində aldığı zərərdən sonra bu körpünün artıq o qədər də taktiki və strateji əhəmiyyəti yoxdur. Əhval-ruhiyyəni qaldırmaq üçün körpünü dağıtmağın mənası yoxdur”
Eyni zamanda, ötən ilin payızında Ukrayna Hərbi Dəniz Qüvvələrinin spikeri Krım körpüsünü Ukrayna hərbçiləri üçün mühüm hədəf adlandırıb və “vəziyyət tələb etdikdə” onun məhv ediləcəyini vəd edib. ”
Ukrayna Təhlükəsizlik Xidmətinin (SBU) rəhbəri Vasili Malyuk da ötən payızda bəyan etmişdi ki, onun kəşfiyyat xidməti Rusiya üçün bir çox “sürprizlər” hazırlayır, o cümlədən Krım körpüsünün dağıdılması.
Onun sözlərinə görə, körpü beynəlxalq hüquqa, müharibə qanunlarına və Ukrayna qanunvericiliyinə uyğun olaraq hücumlar üçün qanuni hədəfdir.
Gununsesi.info
