Prezidentin xüsusi elçisi və kürəkəni Cared Kuşner ” Politico”ya verdiyi açıqlamada bildirib ki, ABŞ Rusiya prezidenti Vladimir Putinin Ukrayna danışıqlarına Avropanı daxil etməsinə görə “xeyir-duasını” almaq niyyətindədir.
Gununsesi.info-nun xəbərinə görə, “Danışıqlar masasında avropalılara ehtiyacımız var. Prezident Putinə və onun komandasına dəfələrlə aydın şəkildə bildirmişik ki, buna nail olmağın yeganə yolu onların dəstəyidir və düşünürəm ki, onlar bunu qəbul edirlər. İnanıram ki, Stiv və mən sabah Moskvada uğur qazanacağıq və Prezident Putin öz xeyir-duasını verəcək. Düşünürəm ki, əgər o, razılaşarsa, vacib məsələlərdə daha böyük irəliləyiş əldə edə bilərik”, – deyə o qeyd edib.
O, həmçinin 10-11 noyabr tarixlərində Əbu-Dabidə keçirilən danışıqları “mənalı” və “gərgin” adlandırıb və Rusiya ilə Ukraynanın münaqişənin başlanğıcından bəri ən böyük əsir mübadiləsi barədə razılığa gəldiyini və dəqiq rəqəmlərin cümə axşamı açıqlanacağını bildirib.
Maqsud
